Qaraǵandynyń ortalyǵynda fotostýdııa órtendi
QARAǴANDY. QazAqparat - Ótken túni Qaraǵandy qalasynyń ortalyǵynda ornalasqan «Etıýd» fotostýdııasynan órt shyqty, dep habarlaıdy QazAqparat tilshisi.
Oblystyń Tótenshe jaǵdaılar departamentiniń málimetinshe, órt19 shildede saǵat túngi 23:40-ta bastalǵan. Ǵımarattyń syrtqy jabyny men «Etıýd» fotosalonynyń ishindegi keńse tehnıkasy órtengen. Jalyn 12 sharshy metr aýmaqty sharpyǵan. Qutqarýshylar birinshi qabatynda fotosalon ornalasqan besqabatty turǵyn úıden 40 adamdy shyǵarýǵa májbúr bolǵan, olardyń ishinde 10 bala bar. Órt saǵat 00.05-te aýyzdyqtaldy.
«Tilsiz jaýdy sóndirýge 10 tehnıka men jeke quramnan 30 adam jumyldyryldy. Zardap shekkender joq», -delingen habarlamada.
Aldyn ala jasalǵan boljamdarǵa sáıkes, órt qasaqana uıymdastyrylǵan bolýy múmkin.
