Qaraǵandynyń ónerkásip óndirisinde óńdeý sektorynyń úlesi 80% quraıdy - Prezıdent

QARAǴANDY. QazAqparat – Qaraǵandy oblysynyń ónerkásip óndirisiniń jalpy kóleminde óńdeý sektorynyń úlesi 80 paıyzdy quraıdy. Bul týraly Prezıdent Qasym-Jomart Toqaev Qaraǵandy oblysy jurtshylyǵymen kezdesýinde málim etti, dep habarlaıdy QazAqparat Aqordanyń baspasóz qyzmetine silteme jasap.

«Oblystyń ónerkásip óndirisiniń jalpy kóleminde óńdeý sektorynyń úlesi 80 paıyzdy quraıdy. Bul kórsetkish boıynsha aımaq kósh bastap tur. Sondaı-aq osy baǵytty odan ári damytý úshin oblystyń múmkindigi mol. Bıylǵy shildede ótken Úkimettiń keńeıtilgen otyrysynda óńdeý salasyndaǵy ınvestıtsııalyq jobalardyń pýlyn jasaqtaý jumystaryna basa mán berý qajettigi týraly aıttym. Kúrdeli geosaıası ahýalǵa jáne álemdik ekonomıkalyq jaǵdaıdyń turaqsyzdyǵyna baılanysty otandyq ekonomıkany ártaraptandyrýdyń mańyzy odan ári arta túsedi», dedi Memleket basshysy.