Qaraǵandynyń mektep-balabaqshasynda órt boldy, 51 bala qaýipsiz jerge shyǵaryldy - QR TJM
ASTANA. 18 qazan. QazAqparat - Qaraǵandyda bilim mekemesinde bolǵan órttiń saldarynan 63 adam qaýipsiz jerge kóshirildi, sonyń ishinde 51 bala bar, dep habarlady QR TJM-niń baspasóz qyzmetinen.
Sársenbi, 17 qazan kúni Qaraǵandy qalasynda «№ 33 Mektep-balabaqsha» kesheni» kommýnaldyq memlekettik mekemesiniń 3 qabatty ǵımaraty órtene bastady. Qutqarýshylardyń naqtylaýynsha, mekeme qabyrǵasynyń aǵash qaptamasy men kir jýatyn bólimdegi 1 metr elektr symy órtene bastady.
Jalyn tili 2 sharshy metr aýmaqty sharpydy. 63 adam qaýipsiz jerge kóshirildi, sonyń ishinde 51 bala bar. Qaza tapqandar men zardap shekkender joq.
Órtpen kúreske QR TJM Qaraǵandy oblysy boıynsha TJD órtke qarsy qyzmetiniń 21 adamy men 6 tehnıkasy, QR TJM «Apattyq medıtsına ortalyǵy» MM-niń 3 adamy men 1 tehnıkasy jumyldyryldy.
