Qaraǵandynyń mańynda 10 kólik soqtyǵysty
QARAǴANDY. QazAqparat - Boran kezinde Temirtaý qalasynyń janynda eki iri jol apaty boldy. Eki oqıǵa barysynda 10 kólik soqtyǵysqan, dep habarlaıdy QazAqparat tilshisi.
Búgin «Qaraǵandy-Astana» tasjolynda Temirtaý qalasynan 4 shaqyrym qashyqtyqta qar basyp qalǵan jerge «Folksvagen passat» kóligi turyp qalǵan. Atalǵan avtokólikke «VAZ-2115» jáne «Lada Prıora» avtokólikteri kelip soǵylǵan. Júrgizýshiler kólikterge keltirilgen shyǵyndy baǵalap turǵanda bul úsh kólikti «Mersedes» júk kóligi kelip soqqan.
Oqıǵada adam shyǵyn joq, alaıda qalalyq aýrýhanaǵa sol jerden 2 adam jetkizildi.
Sondaı-aq, joǵaryda bolǵan jol-kólik oqıǵasynan 50 metr jerde taǵy da 6 avtokólik soqtyǵysqan.
Qazir osy tusta polıtsııa qyzmetkerleri jumys istep jatyr.
Aıta ketý kerek, 18 aqpanda túske sheıin Qaraǵandy qalasy boıynsha 13 jol-kólik oqıǵasy tirkelip, 2 adam jaraqat aldy.
Qaraǵandy oblysy Polıtsııa departamenti aýa raıynyń kúrt ózgerýine baılanysty kólik júrgizýshilerge jol júrý erejelerin saqtap, jyldamdyqty shekten tys asyrmaýyn suraıdy.
