Qaraǵandynyń quqyq qorǵaý organdarynda azaptaý faktileri 50% azaıdy

QARAǴANDY. QazAqparat – Qaraǵandy oblysy prokýratýrasynyń bastamasymen azaptaýlar týraly qylmystyq isterdi tergeý, sondaı-aq olardyń aldyn alý jumysynyń tıimdiligi máseleleri boıynsha vedomstvoaralyq jumys keńesi ótti, dep habarlaıdy QazAqparat.

Іs-sharaǵa quqyq qorǵaý jáne arnaıy organdardyń basshylyǵy, múddeli organdardyń ókilderi qatysty.

Konstıtýtsııada eshkimdi azaptaýǵa, oǵan zorlyq-zombylyq jasaýǵa, basqadaı qatygezdik nemese adamdyq qadir-qasıetin qorlaıtyndaı jábir kórsetýge ne jazalaýǵa bolmaıtyny aıqyndalǵan.

Vedomstvoaralyq toptyń problemalyq máselelerdi jedel sheshý jumysynyń nátıjeleri boıynsha azaptaý faktileri 50% tómendedi.

«Polıtsııa jáne qylmystyq-atqarý júıesi qyzmetkerleri arasynda azamattarǵa qatysty qol kótermeý jáne moraldyq qysym jasamaý, etıkalyq normalardy saqtaý boıynsha túsindirý is-sharalar turaqty negizde júrgiziledi. «Soqyr aımaqtardy» boldyrmaý úshin prokýrorlar quqyq qorǵaý organdary men penıtentsıarlyq mekemelerdiń qyzmettik úı-jaılaryn beınebaqylaý kameralarymen júz paıyz qamtýdy usyndy», - dep málimdedi Qaraǵandy oblysy prokýratýrasynyń baspasóz qyzmeti.

Sondaı-aq óńirde «bultty beınebaqylaý» fýnktsııasy bar onlaın-rejımde prokýrorlardyń beınejazbany kórýiniń tehnıkalyq múmkindigin engizý josparlanyp otyr.