Qaraǵandynyń klýby Qorǵan quramasyn jeńdi
ASTANA. 6 jeltoqsan. QazAqparat - Búgin Qaraǵandy qalasynyń «Saryarqa» hokkeı klýby syrt alańda «Zaýrale» (Reseı, Qorǵan qalasy) komandasyn ekinshi ret jeńdi.
Buǵan deıin Qaraǵandy qalasynda ótken oıynda «Saryarqa» óz qarsylasyn 2:1 esebimen tek overtaımda ǵana jeńse, osy joly komanda hokkeıshileri «Zaýraleni» negizgi ýaqyttyń ishinde utty. Esep - 0:2. Bul oıynda Kırıll Lebedev dýbl jasap, eki birdeı shaıbanyń avtory atandy. Sonymen, «Saryarqa» taǵy úsh upaıǵa qol jetkizip, barlyǵy 50 upaımen Joǵary hokkeı lıgasynyń jalpytýrnırlik kestesinde 7-orynǵa kóterildi. Al Qorǵan qalasynyń hokkeı klýby aýtsaıder bolyp, eń sońǵy satyda qaldy.
