Qaraǵandynyń haıýanattar baǵynda erekshe janýarlar paıda boldy
QARAǴANDY. QazAqparat - Qaraǵandynyń haıýanattar baǵyna erekshe janýarlar ákelindi, dep habarlaıdy QazAqparat tilshisi.
«Jyldyń basynan beri Qaraǵandy zoobaǵynda jańa haıýanattar paıda boldy. Olardyń qatarynda janat, jıren túlki, borsyq pen kaıman (qoltyraýynnyń bir túri) bar. Sanyn kóbeıtý úshin shınshıllanyń urǵashysy men erkegin ákeldik», - dedi zoobaqtyń qyzmetkeri Tolqyn Sapar.
Budan bólek, tálimbaqtaǵy qara sur túlki paıda boldy. Sondaı-aq, óńirde meken etpeıtin kaıman sekildi 4 aq taýys, albınos pıton jáne soltústik buǵysy jetkizildi.
Eske salaıyq, Qaraǵandy haıýanattar baǵynyń eń kári janýary - Emý atty túıequs bıyl 32 jasqa toldy.
