Qaraǵandynyń haıýanattar baǵyna alǵash ret ala qulan ákelindi
QARAǴANDY. QazAqparat - Qaraǵandydaǵy haıýanattar baǵyna 80 jyldyq tarıhynda alǵash ret ala qulandy (zebra) qabyldady, dep habarlaıdy «QazAqparat HAA tilshisi.
Batyr esimdi zebra Almaty zoobaǵynan alynǵan. Ony haıýanattar baǵyna Qaraǵandydaǵy sýpermarket jelileri biriniń basshysy Larısa ıÝgaı syıǵa tartqan.
«Batyr - ala qulannyń tóli. Onyń jasy bir jarymda. 2017 jyly zoobaqqa 80 jyl tolady, sondyqtan bul osyndaı aıtýly merekege oraı tartylyp otyrǵan keremet syı», - dedi zoobaq bólimderiniń biriniń basshysy Amın Alın.
Haıýanattar baǵynyń ákimshiligi ala qulandy keń qorshaýǵa ornalastyrdy.
Ala qulandy syıǵa tartqan kásipker bul syılyqqa baılanysty pikir bildirýden bas tartty.
