Qaraǵandynyń bas sanıtarlyq dárigeri «Pfizer» vaktsınasymen egý qalaı júrgiziletinin aıtty
«Pfizer» kompanııasynyń «Komırnatı» vaktsınasy salynady:
- 12 jastan asqan balalarǵa;
- júktiliktiń 16-37 aptasyndaǵy áıelderge;
- bala emizetin áıelderge (bosanǵannan keıin 42 kúnnen keıin).
«Qazirgi ýaqytta QR Bas memlekettik sanıtarlyq dárigeriniń «Pfizer» óndirisiniń «Komırnatı» vaktsınasymen ımmýndaý júrgizý boıynsha ádistemelik usynymdardy bekitý týraly qaýlysy shyǵaryldy. Bastapqy kezeńde KVI-ǵa qarsy profılaktıkalyq ekpelerdi 16-dan 18 jasqa deıingi jasóspirimder ala alady, kelesi kezeńderde 15, 14, 13 jáne 12 jastaǵy basqa jas toptaryndaǵy jasóspirimder júıeli túrde egiletin bolady. Men vaktsınatsııanyń erikti ekendigine nazar aýdaramyn, ekpe salý tek balalardyń ata-analary men zańdy ókilderiniń aldyn ala kelisilgen kelisimimen ǵana júrgiziletin bolady», - dedi ıÝrıı Zalygın.
«Komırnatı» - bul koronavırýs ınfektsııasyna qarsy vaktsına, quramynda ımmýndyq qorǵanys túzetin vırýs joq, KVI týdyrmaıdy. Vaktsına aǵzanyń ımmýndyq júıesin vırýsqa qarsy antıdeneler shyǵarýǵa májbúr etedi, osylaısha deneni COVID-19-dan qorǵaıdy.
«Vaktsınatsııa júrgizer aldynda koronavırýstyń jáne koronavırýsqa antıdenelerdiń bar-joǵyna tekserý júrgizilmeıdi. Profılaktıkalyq egýdiń aldynda medıtsına qyzmetkeri adamdy tekseredi, qarsy kórsetilimderi bolmaǵan jaǵdaıda egýge ruqsatty resimdeıdi, egilýshige nemese onyń ata - anasyna, sondaı-aq zańdy ókilderine egý týraly tolyq jáne obektıvti aqparat beredi, ımmýndaýdan keıingi yqtımal reaktsııalar men qolaısyz kórinister, egýden bas tartý saldary túsindiriledi», - dedi ıÝrıı Zalygın.
