Qaraǵandynyń aýyl sharýashylyǵy salasy bıyl 386 birlik tehnıkamen tolyqpaq
ASTANA. QazAqparat - 2021-shi jylǵa deıin Qaraǵandy oblysynyń aýylsharýashylyǵy kásiporyndarynyń mashına-traktorlyq parki 682 birlikke deıin ulǵaıady. Bul týraly búgin Qaraǵandy oblystyq aýyl sharýashylyǵy basqarmasynyń basshysy ıÝrjan Bekqojın óńirlik kommýnıkatsııalar qyzmetinde bolǵan brıfıngte aıtty.
«Jańartý 2017-2021 jylǵa agróónerkásip keshenin damytý memlekettik baǵdarlamasynyń arqasynda júzege asýda. Osy jyldyń 9 aıy aralyǵynda Qaraǵandy oblysynyń aýyl sharýashylyǵy kásiporyndary jospardy asyra oryndap, jalpy somasy 5,3 mlrd teńgeden asatyn 386 birlik aýyl sharýashylyǵy tehnıkasyn satyp alǵan. Bul ótken jylǵy dál osyndaı merzimmen salystyrǵanda 72 birlik tehnıkaǵa kóbirek», - dep málimdedi aýyl sharýashylyǵy basqarmasynyń basshysy.
Ortasha eseptegende aýyl sharýashylyǵy tehnıkasynyń parki jyl saıyn 1,5 - 2 paıyzǵa jańaryp otyrady. AÓK damytý baǵdarlamasy boıynsha 2021-shi jylǵa qaraı Qaraǵandy oblysynyń aýylsharýashylyq tehnıkasyn jyl saıyn 682 birlikke ulǵaıtý josparlanyp otyr.
