Qaraǵandynyń 3D-maketi 30 mln. teńgege tústi (FOTO)
QARAǴANDY. QazAqparat - Qaraǵandyda jurtshylyqqa qalanyń 3D-maketi tanystyryldy
«Maket mólsheri 1+1 metrlik 183 planshette oryndalǵan, onda 185 myńdaı ǵımarattar men qurylystar kórinis tapqan. Aýqymy 1:2000», - dedi «Qala qurylysy kadastr ortalyǵy» JShS dırektory Tımýr Aýjanov.
Oryndaýshy-kásiporyn basshysy naqty kórinisterdi berýde keıbir kúrdeli jaǵdaılar bolǵanyn moıyndady. «Qalada mundaı aýqymdaǵy, joldar jáne ǵımarattar belgilengen dál karta joq»», - dep atap ótti ol.
Jasaýshylardyń paıymdaýynsha, qazirgi bar ǵımarattar makette sur tústi plastıkpen, jobalanyp jatqandary - qońyr túspen berilgen.
«Bıýdjetten 3D-maketti jasaýǵa 30 mln. teńge bólindi. Bul oryndy shyǵyndar dep oılaımyn. Biz qalanyń tolyq kórinisin kórip otyrmyz. Maketti qala salýshylar paıdalanatyn bolady», - dedi Qaraǵandy ákimi Nurlan Áýbákirov.
Onyń aıtýynsha, makettiń turaqty orny áli belgilenbegen. «Qazir qarap jatyrmyz. Bıyl ashylǵaly otyrǵan Dostyq úıine ornalastyratyn bolarmyz. Onda yńǵaıly zal bolady», - dedi qala basshysy.
