Qaraǵandyny aınalyp ótetin jol osy jyly iske qosylady
ASTANA. QazAqparat - Soltústik-Shyǵys aınalyp ótý jańa joly boıynsha qozǵalys osy jyly qosylady. Bul týraly QazAqparat ákimdiktiń baspasóz qyzmetine silteme jasap habarlaıdy.
Merdigerler ondaǵy bir jolaqtaǵy, Suryptaý stantsııasynan Qurmaǵa deıin ótip, Qaraǵandy-Almaty jolyna shyǵatyn bóliginde jumystardy aıaqtaýdy josparlap otyr.
Jańa aınalyp ótý jolynyń uzyndyǵy 48 shaqyrym, quny - 35 mıllıard teńge. Joba ózine bes jol aıyryqtaryn engizedi: «Qarqaraly», «Doskeı», «Shahterskıı», «Úshtóbe» jáne «Almaty». Joba tapsyrys berýshisi - «QazAvtoJol» AQ.
«Jol qurylysy 4 lotqa bólingen. Onyń úsheýin «SP Sıne Mıdas Stroı» JShS túrik fırma-merdigeri utyp aldy. Ol Prıshahtınsk JPÝ-46-dan Qaraǵandy-Aıagóz-Buǵaz jol aıyryǵyna deıingi 15,6 shaqyrymǵa sozylatyn «Soltústik aınalyp ótý» bóligin qalypqa keltirý. Qazirgi is júzinde bar Qarqaralyǵa baratyn kólik aıyryǵynan bastalyp, Shahterskıı yqsham aýdanyna deıin aparatyn joldy qalypqa keltirý. Jáne Shahterskıı yqsham aýdanynan Ekaterınbýrg-Almaty jolyna deıin aparatyn Zarechnoe aýylynyń mańynan ótetin joldyń jańa bóligin salý. Tórtinshi lot - ol jol aıyryqtaryn salý. Onymen «Mostostroıtelnyı otrıad ım. Rıazanova A.» JShS almatylyq kompanııasy aınalysady. Jańa jol tórt jolaqty bolady, negizgi materıal - asfalt beton, joǵarǵy qabaty - usaq tas-mastıkalyq asfalt. Kepildik merzimi - 25 jyl, - dedi «QazAvtoJol» AQ Qaraǵandy oblystyq fılıalynyń dırektory Qanat Shaımın.
Ol sonymen qatar, jumys sapasyn tapsyrys berýshi kompanııanyń ókilderi kúndelikti baqylap otyratynyn jetkizdi. Barlyq paıdalanylatyn materıaldar zerthanalyq saraptamadan ótedi.
Jol qurylysyna qajetti barlyq derlik shıkizat - qazaqstandyq ónimder. Onymen qosa, «Sıne Mıdas Stroı» fırma-merdigerdiń ókili Alı Chetkınniń aıtýynsha, olardyń kompanııasyndaǵy 98% jumyskerler - qazaqstandyqtar. Olardyń 70%-yn jumyspen qamtý ortalyǵyna suranys jiberip, qaraǵandylyqtar qatarynan almaqshy.
«Oryndalýy tıis jumystardyń negizgi 4 pýnkti - ol qazaqstandyq materıaldardy paıdalaný, qaraǵandylyq jumyskerler men merdigerlerdi jumyldyrý, sondaı-aq qozǵalysty jartylaı osy jyly iske qosýyn qadaǵalaý bolyp tabylady. Bul sapaly ózgerister, turǵyndardyń yńǵaılylyǵy, ekologııalyq jaǵdaıdyń jaqsarýy. Qala tranzıttik kólikterden bosaıdy», - dep atap ótti Qaraǵandy oblysynyń ákimi Erlan Qoshanov.
Soltústik-Shyǵys aınalyp ótý joly Ortalyq-Ońtústik respýblıkalyq kóliktik ótkeldiń bóligi bolady. Jaǵa aınalyp ótý joly avtomobıl ıelerine jyldam ári qala ortalyǵyna kirmesten Qaraǵandy-Astana avtobanynan Qaraǵandy-Almaty trassasyna túsýge bolady.
Kúnine Qaraǵandy arqyly 22 000 tranzıttik avtokólikter ótedi. Aınalyp ótý jolynyń qurylysyn tolyǵymen 2019 jyldyń qarashasynda aıaqtaý josparlanyp otyr.
