Qaraǵandylyqtyń onlaın-nesıe qaryzy 1,5 jylda 20 esege ósken

ASTANA. QazAqparat - Qaraǵandy turǵyny Albına ıÝldashevanyń 60 myń teńge kóleminde alǵan qoljetimdi onlaın-nesıe qaryzy 1,5 jyldyń ishinde 20 esege artyp, 1,2 mln teńgege jetken. Bul jaıynda ol QazAqparat tilshisine tarqata aıtyp berdi.

Albına ıÝldasheva 2016 jyldyń qyrkúıeginde kompanııalardyń birinen 20 kúnge onlaın-zaem alǵan. Qaryzdy  ol atalǵan merzimde 80 teńge qylyp qaıtarýy tıis edi. Biraq, osy ýaqytta tonaýǵa ushyraǵan ol qaryzyn ýaqytynda jaba almaıdy. Osydan keıin qaryz paıyzy jańbyrdan keıingi sańyraýqulaqtaı jyldam óse bastaıdy. Onyń aıtýynsha, qaryzdy qaıtarý merzimin keıin qaıtarý týraly ótinishin kompanııa qaperge de almaǵan.  Qaryzyn shamasy jetkenshe qaıtarýǵa tyrysqan ol qarasha men jeltoqsan aılarynda 10 jáne 20 myń teńge jarna engizgenimen soma tómendemeıdi. Tipti, 2018 jyldyń naýryzynda qaryzy 1,2 mln teńgege biraq jetedi.

60 myń teńge aılyǵy bar qaraǵandylyq kompanııamen júrgizgen kelissózderi nátıje bermegennen keıin isti sotqa berýdi ótinedi. Alaıda, kompanııa isti sotqa bermeıdi. Osy ýaqyttyń ishinde Albına ıÝldashevanyń isine qatysty úsh kollektorlyq kompanııa aýysady. Olar qaraǵandylyqtyń anasyna, týǵan-týystary men dostaryna qońyraý shalyp mazalaıdy.  Sonymen qatar, Albınaǵa úsh ret birden 120 myń teńge tólep, isti jabýdy usynady. Al qaraǵandylyq bolsa oǵan da kelisip, biraq atalǵan somany úsh aı bólip tóleýdi ótinedi.

Óziniń problemany sheshýge baǵyttalǵan áreketinen eshteńe ónbegennen keıin ol tanymal ekonomıst Raqym Oshaqbaevqa júginedi.

«Onyń qatysýymen qandaı áńgime bolǵanyn aıta almaımyn. Biraq, osydan keıin kompanııa 1 jyldyń ishinde 90 myń teńge (aı saıyn 7500 teńge) tóleýdi usyndy. Árıne, men kelistim. Tipti 200 myń teńgeni ár aıǵa bólip tastasa tóleýge daıyn edim», - dedi Albına ıÝldasheva.

Al qaryz bergen kompanııadan osy máselege qatysty pikir alý múmkin bolmady.

Osy iske qatysty Raqym Oshaqbaev Feısbýktegi paraqshasynda jazba qaldyryp, onda mundaı oqıǵalardyń óte kóp ekendigin atap ótken.

«Qarjylyq jaǵdaıy tuıyqqa tirelgen adamdardy ony zańdy túrde rásimdeý kredıtorlardan qorǵalýy úshin jeke tulǵalardyń bankrotqa ushyraýy týraly zańdy tez arada qabyldaý qajet», - dedi ol.

Aıta keterligi, Elbasynyń Qazaqstan halqyna arnalǵan joldaýynda qarjy naryǵynda azamattardyń múddesin qorǵaý máselesi de kóterilgen edi.