Qaraǵandylyqtyń kóliginen eki tapansha men patrondar tabyldy

QARAǴANDY. QazAqparat - Qarý-jaraqty kóligimen tasymaldaǵan qaraǵandylyq ustaldy, dep habarlaıdy QazAqparat Polisia.kz saıtyna silteme jasap.

Qaraǵandy qalasynyń Polıtsııa basqarmasy patrýldik polıtsııa polkiniń qyzmetkerleri 33 jastaǵy jigittiń kóliginen qarý tapty. Atap aıtqanda, travmatıkalyq jáne pnevmatıkalyq eki tapansha, tegis uńǵyly ańshy myltyǵynyń 50 patrony jáne ańshy pyshaǵy anyqtaldy.

«QR Qylmystyq kodeksiniń 287-baby (Qarýdy, oq-dárilerdi, jarylǵysh zattardy jáne jarylǵysh qurylǵylardy zańsyz ıemdený, berý, satý, saqtaý, tasymaldaý nemese alyp júrý) boıynsha qylmystyq is qozǵaldy. Qazirgi ýaqytta tergeý amaldary júrgizilip jatyr», - delingen polıtsııa aqparatynda.