Qaraǵandylyqtarǵa sý aıdynynda saqtalýy tıis erejeler týraly eskertildi

QARAǴANDY. QazAqparat – 1 maýsymda Qaraǵandy oblysynda shomylý maýsymy bastalady. Óńirde resmı túrde shomylýǵa arnalǵan 83 oryn anyqtaldy. Atap aıtqanda, Qaraǵandyda Fedorov sý qoımasynyń qalalyq jaǵajaıynda jáne Ortalyq mádenıet jáne demalys saıabaǵynyń kólinde shomylýǵa ruqsat etilgen, dep habarlaıdy QazAqparat tilshisi.

Qutqarýshylar atap ótkendeı, adamdar jabdyqtalmaǵan jáne oǵan arnalmaǵan jerlerde: jabaıy jaǵajaılarda, jasandy sý aıdyndarynda shomylǵan kezde sýǵa batyp ketetin jaıttar jıi kezdesedi.

«Kóp turǵyndar ystyq kúnder bastalysymen sý qoımasyna asyǵady. Este saqtaý kerek, olardyń barlyǵy júzý úshin jabdyqtalmaǵan. Shomylýǵa arnalǵan oryndar qutqarý beketimen, balalardyń shomylýyna arnalǵan ýchaskemen (tereńdigi – 1,2 metrden artyq emes), daýys zoraıtqysh qurylǵylarmen jáne telefon baılanysymen, qaraý munarasymen, sondaı-aq kezekshi medıtsınalyq personaly bar jáne qajetti qural-saımandarmen jáne dári-dármektermen jabdyqtalǵan alǵashqy medıtsınalyq kómek kórsetýge arnalǵan úı-jaımen jabdyqtalýy tıis», - dep habarlady TJD.

Aldaǵy shomylý maýsymy qaıǵyly oqıǵalarsyz ótýi úshin Qaraǵandy oblysy TJ Departamenti sýdaǵy qaýipsizdik erejelerin saqtaýǵa shaqyrady.

Mynadaı áreketterge jol berilmeıdi:

- sýǵa kirýge jáne alkogoldik jáne esirtkilik mas kúıinde shomylýǵa;

- qaıyqtardan, katerlerden, aılaqtardan, sondaı-aq osy maqsattarǵa beıimdelmegen qurylystan sýǵa sekirýge;

- tekserilmegen jáne jabdyqtalmaǵan jerlerde súńgýge;

- júzý shekarasyn belgileıtin qurylǵylardan asyp ótýge;

- júzýge arnalmaǵan zattarmen júzýge;

- sý aıdyndaryn lastaýǵa jáne qoqystaýǵa;

- jaǵalaýda jáne kıim aýystyratyn bólmelerde demalýshylarǵa jaraqat ákelýi múmkin qoqystardy qaldyrýǵa;

- jalǵan dabyl qaǵyp aıqaılaýǵa;

- tehnıkalyq jáne eskertý belgilerine kóterilýge;

- balalarǵa eresekterdiń qaraýynsyz sýǵa kirýge;

Qajet bolǵan jaǵdaıda kásibı kómek kórsetiletin belgilengen oryndarda shomylýǵa keńes beremiz.

Qaraǵandy oblysy TJD baspasóz qyzmetiniń aqparaty boıynsha , ótken jylǵy shomylý maýsymynda óńirdegi sý aıdyndarynda 12 adam batyp ketken, onyń ishinde tórteýi - bala.