Qaraǵandylyqtarǵa arzan aýylsharýashylyq ónimderi jetkizildi
ASTANA. QazAqparat - Qaraǵandy oblysynda azyq-túlik baǵasyn qymbattatýǵa jol bermes úshin Jambyl oblysy men Qyrǵyzstannan «Jasyl kerýen» keldi, dep habarlaıdy «QazAqparat» HAA tilshisi Qaraǵandy oblystyq ákimdigine silteme jasap.
Jambyl oblysy men Qyrǵyzstannan jemis-kókónis ónimderin jetkizý óńir basshysynyń tapsyrmasymen júzege asyryldy.
Birinshi jármeńke búgin Stepnoı - 1 móltekaýdanynda ótti. Jármeńkege 60 tonna aýylsharýashylyq taýarlary qoıyldy. Sonyń ishinde: 25 tonna kartop, 15 tonna sábiz, 5 tonna qyzylsha, 10 tonna oramjapyraq pen 5 tonna pııaz usynyldy.
Barlyq ónimler naryq baǵasynan 15 protsentke tómen baǵamen satylymǵa qoıyldy. Satyp alýshylar ónimderdiń baǵasyna da, onyń sapasyna da dán rıza, delingen ákimdiktiń habarlamasynda.
Osyndaı jármeńkelerdi apta saıyn ótkizý josparlanýda. Saýda nysandary, áleýmettik pavılondardaǵy áleýmettik qatarlar arqyly jemis-kókónis ónimderi satylatyn bolady. Taýar kólemi suranysqa oraı artyp otyrady.
