Qaraǵandylyqtar jylýǵa tólegen aqshasyn qaıtaryp alady

QARAǴANDY. QazAqparat - Qaraǵandy oblysynyń turǵyndaryna jylýmen qamtý qyzmetteriniń baǵasyn qaıta eseptep beredi, dep habarlaıdy QazAqparat tilshisi.

«Biz  aýmaq boıynsha esepteý quraly joq tutynýshylardyń aqshasyn qaıtaramyz. Al qurylǵylary bar azamattarǵa qaıta eseptep beremiz. Tamyzdyń basynda túbirtekterden baıqasańyzdar bolady. Qaraǵandy boıynsha 31 mln 740 myń teńge qarajat qaıtarylady», - dedi «Qaraǵandy jylý óndirý» JShS-niń baspasóz hatshysy Ásem Isabekova.

Aıta ketý kerek, óńirdegi (Qaraǵandy, Jezqazǵan, Temirtaý, Balqash, Sátbaev) jylytý maýsymy úshin qaıta esep júrgizýdiń nátıjesinde qaıtarylatyn jalpy soma 266 mln 88 myń 791,74 teńgeni qurady (QQS-ty qosyp eseptegende).

Qaıta esepteý nátıjeleri boıynsha qaıtarylatyn tólem somasy aldaǵy jylytý maýsymynda derbes shotta bólek jolda kórsetiledi.