Qaraǵandylyqtar: Júrgizýshi kýáligin HQO-dan alý qolaısyz
QARAǴANDY OBLYSY. QazAqparat - Qaraǵandy oblysyndaǵy shalǵaı aýdandardyń turǵyndary júrgizýshi kýáligin alý júıesine engizilgen jańa erejeler qolaısyzdyq týdyryp otyrǵanyn aıtty, dep habarlaıdy QazAqparat «Habar 24» telearnasyna silteme jasap.
Qazir olar tájirıbelik emtıhan tapsyrý úshin Qaraǵandy qalasyna barýǵa májbúr. Atap aıtsaq, Ulytaý, Jezqazǵan, Prıozersk pen Balhash qalasynyń turǵyndary oblys ortalyǵyna jetý úshin 400-den 600 shaqyrymǵa jýyq joldy eńserýi qajet. Buryn bul emtıhandar jergilikti tirkeý bóliminde tapsyrylatyn. Osy jyldyń 1 shildesinen bastap óńir boıynsha emtıhan qabyldaıtyn 8 polıtsııa bólimi jabyldy. Qazir júrgizýshiler oblys ortalyǵynda ornalasqan jalǵyz Mamandandyrylǵan halyqqa qyzmet kórsetý ortalyǵyna barýǵa májbúr. Onymen qosa, 2012 jyly salynǵan avtodrom qurylǵylardyń eskirýine baılanysty 1 shildeden bastap kúrdeli jóndeý jumystaryna jabylǵan.
«Qaraǵandy qalasyna
kelip teorııalyq jáne praktıkalyq emtıhandar tapsyrýlaryna týra kelip otyr. Óıtkeni
ol jaqtarda avtodromdar qarastyrylmaǵan. Árıne, Qaraǵandy oblysynyń aýmaǵy úlken
bolǵandyqtan, alystan at terletip keletin halyqtyń narazylyǵyn týdyrady. Qazir
bul suraq ortalyq apparatta talqylanyp jatyr. Jaqyn ýaqytta júrgizýshilerdiń
jergilikti jerde emtıhan tapsyrý máselesi sheshiledi degen úmittemiz», - dedi «Azamattarǵa arnalǵan úkimet» memlekettik
korporatsııasy» AQ QOF dırektorynyń orynbasary Gúlmıra Súleımenova.
