Qaraǵandylyqtar jańajyldyq tiri shyrshalardy haıýanattar baǵyna tapsyryp jatyr
QARAǴANDY. QazAqparat - Qaraǵandylyqtar jańajyldyq mereke kúnderi úılerin bezendirgen tiri shyrshalardy haıýanattar baǵyna tapsyryp jatyr. Bul týraly oblys ákimdiginiń resmı saıtynda habarlandy.
Atap ótilgendeı, onda qylqan japyraqtylar paıdaǵa jaratylady - butalarmen janýarlardyń úıshikteri jylytylatyn bolady.
«Ádette, shyrshalardy dalaǵa laqtyryp jiberedi, konteınerler alańqaılary qoqysqa tolyp ketedi. Alaıda, bul kereksiz bolyp qalǵan shyrshalardy haıýanattar baǵyna qaıta óńdeýge tapsyryp, qalamyzdyń ekologııasyn qorǵap qalýǵa bolady emes pe?! Ol úshin shyrshalardy qabyldaý beketine alyp kelip tapsyrý qajet. Biz shyrshalardy áshekeıler jáne jyltyraqtarsyz qabyldaımyz. Aıazdy kúnderi bul butalarmen jyrtqysh ańdardyń úıshikterin jylytamyz», - deıdi haıýanattar baǵynyń qyzmetkerleri.
Shyrshalardy haıýanattar baǵyna kún saıyn 9.00-den 18.30-ǵa deıin Ermekov kóshesi, 111 mekenjaıy boıynsha alyp kelýge bolady.
