Qaraǵandylyqtar zańsyz qarý men oq-dárini tapsyryp, syıaqy ala alady
QARAǴANDY. QazAqparat – Qaraǵandy oblysynyń turǵyndary zańsyz saqtalǵan qarýdy, oq-dárilerdi jáne jarylǵysh zattardy aqshaǵa tapsyra alady. Bıyl aktsııa 20 sáýirde bastalady, dep habarlaıdy QazAqparat tilshisi.
Erikti túrde tapsyrylǵan myltyq úshin syıaqy onyń túrine baılanysty - 100 AEK-ke deıin (shamamen 290 myń teńge) qarastyrylǵan.
Óz erkimen tapsyrǵan kezde azamattar qylmystyq jáne ákimshilik jaýapkershilikten bosatylady.
«Atalmysh shara jyl saıyn ótkiziledi. Satyp alý QR Úkimetiniń qaýlysyna sáıkes júrgiziledi. Zańsyz saqtalǵan qarýdy, oq-dárini aqshalaı syıaqy úshin tapsyrýǵa nıet bildirýshiler polıtsııa bólimine ótinish berýi tıis», - dep túsindirdi Qaraǵandy qalasy Oktıabr polıtsııa bóliminiń bastyǵy Sáken Igembekov.
