Qaraǵandylyqtar WhatsApp arqyly jumysqa ornalasýda
ASTANA. QazAqparat - Qaraǵandy turǵyndary jumys izdeý barysynda WhatsApp mobıldik qosymshasyn paıdalana alady. Qalalyq jumyspen qamtý ortalyǵy bastaǵan áleýmettik joba óz nátıjelerin bere bastady, dep habarlaıdy QazAqparat oblys ákimdiginiń baspasóz qyzmetine silteme jasap.
Ortalyqtyń aqparatynsha, 5 myńǵa jýyq qala turǵyndary eńbekpen qamtý máselelerine qatysty saýaldaryna jaýapty onlaın alǵan. Olardyń 776-y jumysqa ornalasty.
«Joba qalamyzdaǵy bos jumys oryndary týraly aqparatty qoljetimdi etedi. Jumys izdeýshilerge usynystar bazasymen tanysý úshin úıden shyǵýdyń qajeti joq. Al jumys berýshiler bolsa, jyldam túrde ózderine qajetti kadrlardy izdep taba alady», - delingen taratylǵan aqparatta.
Jumys izdeý boıynsha WhatsApp mobıldik qosymshasynyń nómiri: 8 (775) 644 35 80.
