Qaraǵandylyqtar onlaın-oıynhana rýletkasynda oınaý múmkindiginen aıyryldy
«Qaraǵandy qalasyndaǵy Qazybek bı aýdandyq prokýratýrasy ınternet-keńistik monıtorıngi barysynda onlaın-oıynhanaǵa qoljetimdilikti qamtıtyn saıttardy anyqtady. azartplay-online.com jáne nj-casino.goldennuggetcasino.com saıttarynda amerıkalyq, eýropalyq, frantsýzdyq rýletkaǵa onlaın-oıyn oınaý múmkindikteri bolǵany anyqtaldy. Budan basqa, «Alladin», «Magic money» oıyn avtomattaryna, jáne t.b. qoljetimdilik bolǵan», - delingen habarlamada.
Prokýratýra zańsyz saıttardy jabýǵa tala-shaǵym berdi.
«Qazybek bı aýdandyq soty talap-shaǵymdy tolyq kólemde qanaǵattandyrdy. Sheteldik buqaralyq aqparat ónimderin taratýǵa tyıym salyndy. Oǵan onlaın-kazınosy bar azartplay-online.com jáne nj-casino.goldennuggetcasino.com. saıttary jatady. Sot qaýlysyn oryndaý QR Investıtsııa jáne damý mınıstrligi Baılanys, aqparattandyrý jáne aqparat komıtetine júkteldi», - dep habarlady oblystyq prokýratýra baspasóz qyzmeti.