Qaraǵandylyqtar Memlekettik rámizder kúnin erekshe belsendilikpen atap ótti
Qaraǵandy qalasynda memlekettik rámizder kúni sporttyq baǵytta atalyp ótti. Týtuǵyr aldyndaǵy alańda quttyqtaý baǵdarlamasynan keıin velojarys bastaldy. Oǵan kásibı mamandar da, velosport áýesqoılary da, 1972 jyly Mıýnhendegi Olımpıada oıyndarynda KSRO velosport quramasynyń kapıtany bolǵan Anatolıı Stepanenko sııaqty ataqty sportshy da qatysty.
«Qaraǵandy oblysy árdaıym jarqyn jáne talantty sportshylarmen tanymal boldy. Al búginde qarapaıym qaraǵandylyqtar da velosıpedpen júrip, salaýatty ómir saltyn ustanady. Velojarys – mańyzdy shara. Ol halyqty biriktiredi. Munda óz eliniń naǵyz patrıottary jınaldy. Barshańyzdy osy tamasha merekemen quttyqtaǵym keledi», - dedi Anatolıı Stepanenko.
Jarysqa 200-den astam adam shyqty. Memlekettik rámizder alańynan bastalǵan velosıpedshiler jarysy qalanyń ortalyq kóshelerimen júrip ótip, Táýelsizdik monýmentiniń aldynda márege jetti.
Al, qala ortalyǵynda «Meniń týym – meniń maqtanyshym» patrıottyq aktsııasy ótti. «Qaraǵandy» qonaq úıiniń balkondaryna 25 memlekettik tý ornatyldy. Eriktiler turǵyndardy tátti syılyqtarmen jáne jalaýshalarmen qýantty.
Temirtaý qalasynda saltanatty sherý uıymdastyryldy. Sportta, ǵylymda jáne shyǵarmashylyq qyzmette erekshelengen jastar Qazaqstannyń týyn jelbiretti. Metallýrgter eskertkishiniń janynda kontserttik baǵdarlama ótti, onda Táttimbet atyndaǵy halyq aspaptary orkestriniń jáne E. Rahmadıev atyndaǵy sımfonııalyq orkestrdiń mýzykanttary óner kórsetti. Sondaı-aq, QR ІІM B. Beısenov atyndaǵy akademııasynyń qurmetti qaraýyl rotasynyń sherýi ótti.
Saran qalasynyń kóshelerimen 12 appaq jeńil avtokólik jáne Memlekettik týy bar 10 mototsıkl júrip ótti.
Abaı qalasynda avtosherýden bólek jastar kontsert uıymdastyrdy. Abaı aýdanynyń ıÝjnyı kentinde ulttyq at sporty túrleriniń festıvali ótti.
Prıozersk qalasynda 30 jeńil avtokólik pen 100-den astam velosıpedshi qala kóshelerimen júrip ótti. Saltanatty shara ortalyq alańda merekelik kontsertke ulasty, onda «Jyl mekemesi-2022» qalalyq baıqaýy aıasynda gir kóterýden jarys ótti.
Ulytaý aýdanynda kólik sherýi ótti. Turǵyndar úshin ártister kontserttik baǵdarlama daıyndady.
Nura aýdanynda mereke qurmetine Aýǵan soǵysynyń ardageri Bolat Bústekbaevty eske alýǵa arnalǵan erler komandalary arasynda qazaq kúresi men voleıboldan oblystyq týrnır ótti.
Jańaarqa aýdanynda merekelik kontserttik baǵdarlama, sondaı-aq at sherýi men avtojarys uıymdastyryldy.
Shet aýdanynyń ortalyǵy «Meniń týym - meniń Otanym!» chellendjin qoldady. Eldi meken turǵyndary memlekettilik nyshanyn balkondaryna jáne terezelerine ilip, merekeni atap ótýge úlesterin qosty.
Shahtınsk Jastar ortalyǵynyń qyzmetkerleri men eriktileri qala kóshelerinde merekelik kúnge oraı shokolad, sharlar jáne jalaýshalar taratty.
Sonymen qatar, Qaraǵandy oblystyq tarıhı-ólketaný mýzeıinde, Temirtaýdaǵy murajaıda jáne óńirdegi kitaphanalarda túrli taqyryptyq sharalar uıymdastyrylyp, turǵyndarǵa merekeniń máni men mańyzy baıandaldy.
Eske salsaq, bıyl memlekettik rámizderge 30 jyl: Qazaqstanda tý, eltańba jáne ánuran qalaı qorǵalady?
