Qaraǵandylyqtar medıtsınalyq saqtandyrý qoryna 788 mln teńgeden astam qarjy aýdardy

QARAǴANDY. QazAqparat - Qazan aıynda qaraǵandylyqtar medıtsınaǵa 788 mln teńgeden astam qarjy aýdardy. Bul soma medıtsınalyq saqtandyrý qoryna óz qyzmetkerleri úshin jumys berýshilerdiń tólegen jarnalary men jeke kásipkerlerdiń jasaǵan aýdarymdary, dep habarlaıdy QazAqparat tilshisi.

Oblystyń ózin-ózi jumyspen qamtyǵan turǵyndarynyń biryńǵaı jıyntyq tólemin (BJT) aýdarýdyń jalpy somasy - 1, 270 mln teńge. Óńirde 3 400-den astam turǵyn medıtsınalyq saqtandyrý júıesine qatysýdyń osy tásilin tańdady. Olar aı saıyn oblystyq mańyzy bar qalada turatyn bolsa 2 525 teńge (1 AEK) nemese basqa eldi mekenderde turatyn bolsa 1 263 teńge (0,5 AEK) tóleıdi. Bul rette somanyń 40%-y medıtsınalyq saqtandyrý qoryna, 30%-y zeınetaqy aýdarymdaryna, 20%-y áleýmettik saqtandyrýǵa, 10%-y jeke tabys salyǵyna túsedi.

«BJT tóleýshiler kún sanap artyp keledi. Medıtsınalyq saqtandyrý júıesine qatysýdyń bul túri turaqty tabysy joq, resmı jumysqa ornalaspaǵan azamattarǵa, mysaly, kútýshilerge, repetıtorlarǵa, qosalqy sharýashylyq ıelerine qolaıly.

BJT tóleı otyryp olar 2020 jyldan bastap tegin medıtsınalyq kómektiń kepildik berilgen kóleminen basqa medıtsınalyq qyzmetterdiń keńeıtilgen paketine qol jetkize alady», - deıdi «Medıtsınalyq saqtandyrý qory» KEAQ Qaraǵandy oblysy boıynsha fılıalynyń dırektory Fazyl Kopobaev.