Qaraǵandylyqtar qoqys laqtyrý úshin aǵyny qatty avtojoldy eńsermeıtin bolady
QARAǴANDY. QazAqparat - Qaraǵandynyń jekelegen aýdandarynda qoqys alańdary abattandyrylady. Kommýnaldyq qyzmetter olardy qorshap, qoqys jáshikterin jańartady, alańdarǵa aparatyn joldardy jóndeıdi, dep habarlaıdy QazAqparat tilshisi.
Máselen, Qaraǵandy qalasynyń Oktıabr aýdanynda qoqys jınaýǵa arnalǵan alańshalardyń ornyn aýystyrý josparlanýda. Konteınerlerge arnalǵan jańa oryndardy jel tarmaqtaryn eskere otyryp tańdaý kózdelip otyr.
«Alańdardy aýystyrý kezinde birinshi kezekte, olardyń adamdarǵa qanshalyqty yńǵaıly bolatynyn eskeretin bolamyz. Mysaly, 14-shi shaǵynaýdanda konteınerlik alańdardyń birine jetý úshin qozǵalysy qarqyndy avtojoldan ótýge týra keledi. Al qoqysty kóbinese balalar shyǵarady. Joldan ótpeý úshin bul alańdy joldyń qarama-qarsy betine kóshiremiz», - dep túsindirdi Oktıabr aýdanynyń ákimi Meıram Qojýhov.
Jaqyn arada qoqys shyǵarýmen aınalysatyn «Resaıklıng» jáne «GorKomTrans» kompanııalary konteınerlik alańdardy abattandyrýǵa kirisedi. Olardy qorshap, konteınerlerdi jóndeıdi, aınalasy shalshyq sý men balshyq bolmaýy úshin joldar salady.
Qoqys jınaýǵa arnalǵan konteınerler, sondaı-aq garaj massıvterinde de ornatylmaq.
