Qaraǵandylyqtar qazaq tilin álemdik deńgeıge kóterýge shaqyrady

QARAǴANDY. QazAqparat - Qaraǵandylyq mádenıet jáne óner qaıratkerleri, úkimettik emes uıymdar ókilderi, qoǵam qaıratkerleri «Qazaq tilin álemdik deńgeıge jetkizý kerek» degen úndeý jarııalady, dep habarlaıdy «QazAqparat» HAA tilshisi. Tildiń ózgeriske ushyraýy tıimdi bolatynyna memlekettik qyzmetkerler, úkimettik emes uıymdar jáne bıznesmender de senedi.

«Nur Otan» partııasynyń Qaraǵandy oblystyq fılıaly janyndaǵy «Mıras» qoǵamdyq keńesiniń otyrysynda turǵyndardyń barlyq deńgeıimen - kishkentaı toptardan úlken ujymdarǵa deıin kezdesý uıymdastyryp, túsindirý jumystaryn ótkizý usynyldy.

«Latyn álipbıin jańa grafıkanyń tehnologııasy retinde emes, álemdik baılanys keńistigine shyǵýdyń birden-bir joly dep qarastyrý kerek. Dúnıejúziniń basym bóligi latyn álipbıimen baılanysty ekenin biz jaqsy bilemiz. Kóptegen tilder osy formatta qalyptasqan. Qazaq tiliniń de latyn álipbıine kóshýi - bizdiń álemniń jetekshi elderiniń qataryna enýge degen talpynysymyzdy birshama jeńildetedi. Álemdik qoǵamdastyqqa ený ekonomıkalyq jáne saıası turǵydan ǵana bolmaýy kerek. Lıngvıstıkalyq jaǵynan da sol deńgeıge laıyq bolýǵa tıistimiz», - dedi E.Býketov atyndaǵy Qaraǵandy memlekettik ýnıversıtetiniń professory Baıjol Káripbaev.

Professordyń oıynsha tildi meńgerý esh qıyndyq týǵyzbaıdy.

«Jastar jaǵy latyn álipbıindegi qazaq tilin tez meńgerip ketedi. Jastar túrli brendterden bastap, kıno sıýjetterine deıin latynsha oqyp daǵdylanyp qalǵan. Memlekettik tildiń latyn álipbıine aýysýy bizge, ásirese jastar jaǵyna dúnıetanymdyq keńistikterin arttyrýyna múmkindik beredi. Bul óte mańyzdy», - dedi professor.

Qatysýshylar Prezıdenttiń qoǵamdy damytý baǵdarlamalyq maqalasyndaǵy: «Biz kez kelgen halyqtyń damýy úshin aýadaı qajet baǵa jetpes  rýhanı qundylyqtarymyzdy umytpaýǵa tıispiz. Áleýmettik-ekonomıkalyq damýdaǵy joǵary kórsetkishterge jetýge talpyna otyryp, mádenıetimizdi, qazaq halqynyń tilin, salt-dástúrin de damytýymyz kerek» degen oılarynyń da mańyzdylyǵyn aıtty. Olar latyn álipbıine kóshý - rýhanı jańǵyrýdyń negizgi tetikteriniń biri ekenin atap ótti.