Qaraǵandylyqtar elimizde qurastyrylǵan elektr avtobýstyń jumysyn oń baǵalady

QARAǴANDY. QazAqparat – Qaraǵandyda bir aı boıy Saran qalasyndaǵy QazTehna zaýytynda qurastyrylǵan Yutong elektr avtobýsy synaldy. Jolaýshylar otyz oryndyq qoǵamdyq kóliktiń yńǵaılylyǵy men jaılylyǵyn joǵary baǵalady, dep habarlaıdy QazAqparat tilshisi.

Elektrobýsta júrý tegin boldy. Kúnine 150-den 200 adamǵa deıin tasymaldandy.

Kólik bir zarıadta shamamen 300 shaqyrym júre alady. Túnde batareıalar zaýytta ornatylǵan stantsııadan zarıadtaldy.

Kásiporyn baspasóz qyzmetiniń málimetinshe, zaýyttyń qýaty kúnine tórt elektroavtobýs shyǵarýǵa múmkindik beredi.

Kompanııa tapsyrystardy oryndaýǵa daıyn.

Búginde otandyq elektrobýstar Nur-Sultan, Pavlodar jáne Aqtaý baǵyttarynda qoldanylýda.