Qaraǵandylyqtar ekologııa mınıstri bastaǵan eko-chellendjge qoldaý kórsetpek
27 shildede Qaraǵandyda #birge #TazaQazaqstan ekologııalyq aktsııaǵa qoldaý retinde senbilik ótedi.
«Premer-mınıstr Qoıandy sý qoımasyn tazalaýǵa qatysty. Bul chellendj-jaqsy is. Meniń oıymsha, aktsııaǵa qatysýymyz kerek. Tabıǵatty tazartýǵa úles qosqanymyz abzal», - dedi aımaq basshysy.
Erlan Qoshanov oblystyń árbir qalasy men aýdanynda problemaly oryndardy anyqtaýdy tapsyrdy. Osy senbi kúni, 27 shildede qala jáne aýdan ákimderi apparattarynyń, basqarmalar men bólimderdiń qyzmetkerleri aýmaqty tazalaýǵa shyǵady. Erlan Qoshanov barlyq qaraǵandylyqtardy aktsııaǵa qosylýǵa shaqyrdy.
Aktsııany ótkizý orny men ýaqyty keıinirek jarııalanady.
Esterińizge sala keteıik, osy jyldyń 16 shildesinde QR Ekologııa, geologııa jáne tabıǵı resýrstar mınıstri Maǵzum Myrzaǵalıev Twitter-degi paraqshasynda #Birge #TazaQazaqstan aktsııasyn bastady. Ol eriktilerdi, qoǵam qaıratkerlerin, Úkimet múshelerin, belsendiler men qorshaǵan ortaǵa jany ashıtyn azamattardy Qoıandy sý qoımasyn tazalaýǵa qatysýǵa shaqyrdy.
Atalmysh aktsııa Qazaqstannyń kóptegen aımaqtarynda qoldaý tapty.
