Qaraǵandylyqtar dáriniń qymbattylyǵyna WhatsApp arqyly shaǵymdana alady
QARAǴANDY. QazAqparat - Qaraǵandy oblysynda medıtsınalyq preparattar men maskalardyń baǵasyn negizsiz kóterý faktileri týraly 8-701-7-109-109 nómiri (WhatsApp) boıynsha shaǵymdanýǵa bolady, dep habarlaıdy QazAqparat tilshisi.
«senim 109» qyzmetine júginýge qoıylatyn basty talap – aqparat shynaıy bolýy tıis. Anyqtalǵan zańbuzýshylyqty rastaıtyn foto nemese vıdeony qosa bergen abzal.
Óńir turǵyndarynyń ótinishterin mobıldi toptar óńdep, oqıǵa oryndaryna shyǵady.
Sonymen qatar 8-701-7-109-109 nómiri boıynsha kelesideı jaǵdaıda shaǵym aıtyp, habarlasýǵa bolady:
- jumys berýshi qoldanylǵan nemese jyrtylǵan maska/qolǵaptar berse, ne bolmasa densaýlyq saqtaý quqyǵyn basqalaı buzatyn bolsa;
- JRVI belgileri bar, ıaǵnı Covid-19 indetin tasymaldaýy múmkin tulǵaǵa jumysqa shyǵýyna ruqsat berse;⠀
- qoǵamdyq oryndarda, avtobýstarda, aıaldamalarda antısanıtarlyq jaǵdaıdy baıqasańyz.
Eger sizde WhatsApp bolmasa, ereje buzýshylyqtar jaıly 109 nómirine, Instagram-daǵy senim 109 direct-ke nemese qymettiń Facebook-tegi paraqshasyna jazýǵa bolady.
Esterińizge sala keteıik, qazaqstandyqtar medıtsınalyq preparattar baǵasynyń negizsiz kóterilýine DariKZ mobıldik qosymshasy arqyly da shaǵym bere alady.⠀
Onda Qazaqstanda tirkelgen preparattardyń shekti ruqsat etilgen baǵasy belgilengen.
Sonymen qatar, bul qosymshada kelesideı aqparattar bar:
- preparattar túpnusqa nemese djenerık bolyp tabyla ma;
- balamalary bar ma;
- dári retseptisiz berile me jáne taǵy basqa da aqparattar.
Darikz mobıldik qosymshasyn Google Play Market-ten júkteýge bolady.
