Qaraǵandylyqtar dándi daqyldardy qyrkúıektiń sońyna deıin jınap tastamaq
ASTANA. QazAqparat - Qaraǵandy oblysynda 5-shi qyrkúıekten bastap, aýyl sharýashylyǵy kásiporyndary egin orý jumystary bastaıdy. Dándi-daqyldardy jınaý naýqanyn aımaqqa belgilengen merzimde - 20-25 kúnde aıaqtaý josparlanyp otyr, dep habarlady Qaraǵandy oblysy ákimdiginiń baspasóz qyzmeti.
Boljam boıynsha bıylǵy jyly dándi-daqyldardyń ortasha túsimi bir gektardan 8 tsentnerge deıin jetedi. Jazdyń qurǵaq kúnderine qaramastan bul kórsetkish sońǵy jyldardyń ortasha deńgeıin quraıdy. Aımaqtyń orý naýqanyna daıyndyǵy apparattyq jınalysta talqylandy.
«Oblys boıynsha 785 myń ga dándi daqyldar jáne burshaq dánderin, 8 myń gektardan astam kartop jáne 1,5 myń ga kókónis jınaý, sonymen qatar jem-shóp ázirleý jumystary jasalýy kerek. Búgingi tańda dándi daqyldardy jınaý bastaldy. Alaıda jumys baıaý júrip jatyr», - dedi Erlan Qoshanov.
Jaz aıynda jaýǵan burshaqtyń saldarynan sharýalar keıbir eginderinen aıyrylyp qaldy - 8,7 myń ga aýmaqtaǵy egin joqqa shyǵaryldy.
«Qazirgi tańda barlyq aýdandardyń aýylsharýashylyqǵy ónim óndirýshiler dándi daqyldaryn orýǵa kiristi. 4-shi qyrkúıekke deıingi merzimde 180,7 myń ga egin jınaldy, ortasha ónimdilik bir gektardan 7,7 tsentner daqyldan alynbaq»,- dep málimdedi oblystyq aýyl sharýashylyǵy basqarmasy basshysynyń mindetin atqarýshy Syrym Boshpanov.
Egindi jalpy jınaý nátıjesi 8 ts/ga ortasha ónimdilikte 630 myń tonnany quraıdy dep kútilýde. Bıdaı 506 myń tonna kóleminde jınalady dep josparlanyp otyr.
Alqaptarǵa 2000-nan astam bıdaı orý kombaındary shyǵady. Bólek egin orýǵa 528 aýdarmaly destelegishter bar.
«Aldyn ala esep boıynsha barlyq kombaındardyń bir kúndik ónimdiligi 39 402 ga bolsa, dándi daqyldardy jınaý merzimi 20-25 kúndi quraýy tıis. Bir bıdaı jınaý kombaınynyń maýsymdyq júktemesi oblys boıynsha ortasha eseppen alǵanda 270 ga normatıvimen 356 ga bolady», - dedi baıandamashy.
