Qaraǵandylyqtar Bolgarııadaǵy Halyqaralyq festıvalde laıyqty óner kórsetti
QARAǴANDY. QazAqparat - Múmkindigi shekteýli adamdarǵa arnalǵan IV Halyqaralyq "Nesebr bez granıts" festıvali Bogarııada maýsymnyń 20-22 aralyǵynda ótti, dep habarlaıdy Qaraǵandy oblysy ákiminiń resmı saıty.
Festıvalge 16 qaraǵandylyq qatysty. Olar múmkindigi shekteýli jandardyń daryndary sheksiz ekenin dáleldedi.
Osylaısha, Birjan Ábjanov "Etradalyq vokal. Solo" nomınatsııasynda 3 oryndy ıelendi. "Múgedekter arbasymen bıleý. Solo" nomınatsııasynda 1 oryndy Aıgúl Balmaǵambetova, 2-shi oryndy Zýxra Otarova enshiledi. "Horeografııa" nomınatsııasynda "Lýchık nadejdy" QB MBKKO "Smail" ujymy jeńiske jetti. "Qolmen ymdap án aıtý. Solo" nomınatsııasynda úzdik oryndaýshy Vadım Grıgorev boldy, 2-shi oryndy Elaman Sámen ıelendi. "Qolmen ymdap án aıtý. Ansambl" nomınatsııasynda 1-shi oryn "Stıl" ujymyna berildi.
Festıvalge barý jáne qatysý múmkindigi qalalyq ákimdik pen Qaraǵandynyń depýtattyq korpýsynyń qoldaýynyń arqasynda múmkin boldy. "Lýchık nadejdy" QB memlekettik áleýmettik tapsyrys sheńberinde shyǵarmashylyq is-áreketter arqyly belsendi ómir men sotsıýmǵa múmkindýgi shekteýli jandardy jumyldyrý boıynsha jobny júzege asyrady.
Eske sala ketsek, 2016 jyldan bastap Qaraǵandy men Nesebr seriktes qalalar bolyp tabylady.
