Qaraǵandylyqtar Birlik kúni merekesine oraı úılerinde elimizdiń ánuranyn oryndady
QARAǴANDY. QazAqparat – Qaraǵandy turǵyndary úılerinde otyryp,merekelik fleshmobqa qatysty.
Olar óz páterleriniń balkondarynan Memlekettik Ánuran men Qazaqstan halqynyń birligi kúnine arnap patrıottyq ánderdi oryndady, dep habarlaıdy QazAqparat tilshisi.
Prıkanalnaıa 19 úıiniń turǵyndary óz ánderimen Otanǵa degen súıispenshiligin bildirip, barlyq qazaqstandyqtardy Birlik kúnimen quttyqtap, qoldaý kórsetti. Osylaısha, olar ózderiniń kóńil-kúıine karantın de áser ete almaıtynyn kórsetti.
«Barshańyzdy Qazaqstan halqynyń birligi kúnimen quttyqtaımyn! Bizdiń turǵyndar osyndaı kontsert uıymdastyryp, kóńil-kúılerin kóterdi. Barlyǵyna úlken rahmet! Bizdiń Qazaqstan gúldensin! Barlyqtaryńyzǵa densaýlyq tileımin», - dedi kontsert tyńdaýshylarynyń biri.
«Men Taldyqorǵannan keldim, qonaqqa kelip, karantınge baılanysty osynda uzaq ýaqyt qalýyma týray keldi. Barlyqtaryńyzdy birinshi mamyr merekesimen quttyqtaımyn. Kórshiler tamasha, osyndaı kontsert uıymdastyrdy. Olarǵa kóńil-kúı, mereke syılaǵandary úshin rahmet. Bul pandemııa tezirek ótsin!», - dep Aqsotke Batyrhanova atty turǵyn óziniń izgi tilegin bildirdi.
«Bizde qazir karantın, biraq biz úshin bul qorqynyshty emes. Barlyqtaryńyzdy merekelerińizben quttyqtaımyz. Densaýlyqtaryńyzdy saqtańyzdar, bir-birlerińizge kómektesińizder! Eń bastysy, bizdiń úıdiń adamdary óte tatý turady», - deıdi úıdiń turǵyny Lıýdmıla Baranova.
Qaraǵandylyqtar patrıottyq fleshmobty qoldady. Búgin, 1 mamyr kúni Kógildir toǵandar shaǵynaýdanyndaǵy 13-shi úıdiń turǵyndary saǵat 17:00-de, Táttimbet kóshesindegi 13-úı turǵyndary saǵat 18:00-de; Ýnıversıtet kóshesin 25-úı – 19:00-de Qazaqstannyń ánuranyn óz balkondarynan oryndaıdy.
