Qaraǵandylyq ziltemirshiler Bishkektegi Azııa chempıonatynda altyn oljalady
QARAǴANDY. 9 shilde. QazAqparat - Qaraǵandylyq ziltemirshiler Ásem Sársekenova men Maksım Laktıonov Bishkekte ótken jastar jáne sheberler arasyndaǵy Azııa chempıonatynda jeńis tuǵyryna kóterildi.
Bul týraly Aýyr atletıka boıynsha oblystyq federatsııadan habarlady.
«Bishkektegi jastar arasyndaǵy Azııa birinshiliginde M. Laktıonov (105 kelige deıin) jáne Á. Sársekenova (58 keli) óz sheberlikterin dáleldedi. Bizdiń sportshylar úıge altynmen oraldy», - dedi federatsııadan.
M. Laktıonov óz jeńisin Astananyń 15 jyldyǵyna arnaıtynyn málimdedi.
Bishkekte ótken jastar jáne sheberler arasynda aýyr atletıkadan Azııa chempıonatynda 14 memlekettiń 100-ge jýyq sportshysy baq synady. Quramalyq tartystardyń qorytyndysy boıynsha jigitter arasynda Qyrǵyzstandyq ziltemirshiler top jarsa, ekinshi oryn jerlesterimizge buıyrdy,al qola medaldi Kýveıt sportshylary enshiledi.
