Qaraǵandylyq jýrnalıster «Altyn suńqar» syılyǵymen marapattaldy

QARAǴANDY. QazAqparat – Qaraǵandyda buqaralyq aqparat quraldary qyzmetkerleriniń kásibı merekesi qarsańynda Qaraǵandy oblysy ákiminiń «Altyn suńqar» syılyǵy tabys etildi.

Marapatqa 120-dan astam redaktsııa qyzmetkeri úmitker boldy. Laýreattardy baıqaý komıssııasy iriktedi, dep habarlaıdy QazAqparat tilshisi.

«Altyn suńqar» syılyǵy osydan 14 jyl buryn qurylǵan bolatyn. Osy ýaqyt aralyǵynda 192 jýrnalıst jáne 5 BAQ ujymy marapatqa ıe boldy.

Bıylǵy jyly karantınge jáne jappaı sharalarǵa tyıym salýǵa baılanysty saltanatty rásimnen bas tartýǵa týra keldi. Marapattyń telenusqasy «Saryarqa» oblystyq arnasynyń efırinde kórsetiledi.

Oblys ákimi Jeńis Qasymbek buqaralyq aqparat quraldarynyń qyzmetkerleri men jýrnalıstıka ardagerlerin kásibı merekesimen quttyqtady.

«Men sońǵy jyly kóptegen adamdarmen jaqyn qarym-qatynasta boldym. Bul resmı suhbat nemese brıfıngter ǵana emes, sonymen qatar telefon, messendjerler arqyly jumys barysyndaǵy máselelerdi talqylaý, nemese jumys saparlary kezinde baılanysta boldym. Men árqashan sizderdiń óz taqyryptaryńyzdy qanshalyqty tereń meńgerip jatqandaryńyzǵa jáne óńirimiz úshin janashyr bolatyndaryńyzǵa tańdanamyn. Pandemııa kezinde adamdar sybystar men qaýesetten sharshady. Sizder bizge adamdarǵa shynaıy aqparatty jetkizýge jáne úreıge jol bermeýge kómektesesizder. Bul sizderdiń joǵary kásibı deńgeılerińizdi kórsetedi, jáne biz úshin bul úlken qoldaý», - dedi Jeńis Qasymbek.

Oblys «Qaraǵandy jýrnalıstıkasyn damytýǵa qosqan úlesi úshin» arnaıy syılyǵynyń ıegerin atady. Osy erekshe marapatqa aýdandyq «Qarqaraly» gazetiniń ujymy ıe boldy. Bul oblystyń eń kóne basylymdarynyń biri, bıyl gazetke 90 jyl toldy.

Oblys ákiminiń syılyǵy taǵy 10 nomınatsııa boıynsha tapsyryldy.

Laýreat atanǵandar:

Batyrbek Myrzabekov, Ulytaý aýdanynyń jýrnalıstıka ardageri, QR qurmetti jýrnalısi, Qazaqstan Jazýshylar Odaǵynyń múshesi – «Mamandyǵyna adaldyǵy úshin»;

Lázzat Qojahmetova, «Aıqyn» respýblıkalyq gazetiniń menshikti tilshisi, - «Belsendi ómirlik ustanymy úshin»;

Oleg Bıtner, 101TV.KZ qoǵamdyq ınternet-teledıdarynyń operatory jáne foto tilshisi, - «Obektıv sheberi»;

Saltanat Baltabaı, «Jańaarqa» aýdandyq gazetiniń tilshisi, - «Aýyl taqyrybyn úzdik jarııalaý»;

Maqpal Orynbetova, «Dıdar» telearnasy dırektorynyń keńesshisi, bas prodıýser, - «Áleýmettik taqyrypty úzdik jarııalaý»;

Botabek Tilegenov, Saryarqa oblystyq telearnasynyń redaktory, - «Óndiris taqyrybyn úzdik jarııalaý»;

Anna Strokova, «Ekaraganda.kz» aqparattyq agenttiginiń tilshisi, - «Alǵashqy tabystary úshin»;

Jaslan Isa, «Birinshi Qaraǵandy» telearnasynyń dırektory, - «Jyldyń úzdik shyǵarmashylyq jumysy»;

Maral Áınekova, «Ortalyq Qazaqstan» oblystyq gazetiniń aǵa dızaıner-bet qattaýshysy, - «Máner men atqarymdylyq úshin»;

Farhat Kenjetaev, «Indýstrıalnaıa Karaganda» oblystyq gazetiniń tilshisi, - «Eńbek adamy» taqyrybyn úzdik jarııalaǵyny jáne nasıhattaǵany úshin»».

Jeńimpazdar aqshalaı syılyqpen marapattaldy. Olarǵa dıplomdar men estelik músinsheler tabys etildi.