Qaraǵandylyq júrgizýshiler bes kúnde 14,5 myń ret jyldamdyq asyrǵan

QARAǴANDY. QazAqparat – Qaraǵandy oblysynda bes kún ishinde jyldamdyq ólshegish keshenderdiń kómegimen ereje buzýdyń 14,5 myńnan astam faktisi tirkeldi, dep habarlaıdy QazAqparat tilshisi.

Bıylǵy 1 qazannan bastap Qaraǵandy oblysynda «Megacam Limit-S» 80 apparattyq-baǵdarlamalyq kesheni paıdalanýǵa berildi. Olar jyldamdyq rejıminen asyp ketýdi avtomatty túrde tirkeıdi.

«Aı basynan beri osy jabdyqtyń kómegimen 14 527 derek anyqtaldy. Máselen, Qaraǵandyda - 8916, Jezqazǵanda - 3758, Temirtaýda – 996,Sátbaevta – 548 Saranda – 309 fakti tirkeldi», – dep habarlady Qaraǵandy oblysy Polıtsııa departamentiniń baspasóz qyzmetinen.

Polıtseıler júrgizýshilerdiń nazaryn jeke qaýipsizdik jáne jol qozǵalysyna basqa qatysýshylardyń qaýipsizdigi maqsatynda jol erejelerin saqtaý qajettigine aýdarady.