Qaraǵandylyq jol apatynda kómektesken Aqmola polıtseılerine alǵys bildirdi
KÓKShETAÝ. QazAqparat -Qaraǵandy qalasynyń turǵyny Aqmola oblysy aýmaǵynda bolǵan jol- kólik oqıǵasy kezinde ózine kómektesken jergilikti tártip saqshylaryna alǵysyn bildirdi, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Alǵys aıtylǵan hat Aqmola oblystyq ІІD aǵymdaǵy jyldyń 4 sáýirinde túsken.
Hatta jazylǵandaı, qaraǵandylyq Vıtalıı Sakovıch 30 naýryzda Arshaly aýdany aýmaǵynda birneshe kóliktiń soqtyǵysýymen oryn alǵan iri jol- kólik oıǵasynan zardap shekken bolatyn.
«Qurmetti ІІD qyzmetkerleri. Aǵymdaǵy jyldyń 30 naýryzynda, ıaǵnı, ótken aptanyń beısenbisinde Astana qalasynan shyǵa beriste, Ijevsk kentiniń mańynda iri jol- kólik oqıǵasyna kelgen sizderdiń qyzmetkerlerińizge, naqtyraq aıtqanda serjattar quramyna zor alǵys jáne ózimniń sheksiz qurmetimdi bildirgim keledi...
Men sol kúni ústime jeńil kıim kıgendikten əri soǵylǵan mıkroavtobýstan zardap shekkenderdi syrtqa alyp shyǵý kezinde ústim sý bolyp, ábden jaýradym.
Oqıǵa ornyna jetken polıtsııa qyzmetkerleri meni jylynyp alýym úshin patrýldik kólikke otyrǵyzdy. Sondaı-aq, sol kezde óship qalǵan telefonymdy qýattandyryp, sý berdi. Al, ózderi aq tútek boranda kólik qozǵalysyn rettedi...", dep kórsetilgen hatta.
Alaıda, Vıtalıı Mıhaılovıch óziniń qutqarýshylarynyń esimderin surap ta úlgermepti. Esinde qalǵany jol patrýldik polıtsııasy kóliginiń markasy men memlekettik nómiri ǵana.
"...Uıat bolsa da aıtaıyn, men sol qarbalysta qutqarýshylarymnyń esimderin de surap almappyn. Tek, esimde qalǵany aq tústi Toıota Kamrı 40 memlekettik nómiri 0016 03...", - dep jazady Sakovıch.
Keıin járdem bergen polıtseıler serjant Turar Bımjanov pen serjant Eginbaı Raıymbek ekeni anyqtalady.
Jol patrýldik polıtsııasy rotasynyń qyzmetkerleri sol kúni ədettegideı kezekshilikke shyqqan bolatyn. Atalǵan jol-kólik oqıǵasy týraly aqparat túsip, polıtseıler kómekke barady.
