Qaraǵandylyq jazýshy kenshiler shaharynyń mádenı ómiri týraly bes tomdyq kitap shyǵardy
QARAǴANDY. QazAqparat – QR Jýrnalıster odaǵynyń múshesi Natalıa Injevskaıa «Meniń qalam» serııasymen Qaraǵandynyń mádenı ómiri týraly bes kitap shyǵardy. Bes tomdyq kitapta avtordyń 2009 jyldan bergi jýrnalıstik maqalalary bar, dep habarlaıdy QazAqparat tilshisi.
Natalıa Injevskaıa Qaraǵandyda aqyn jáne jazýshy retinde ǵana tanymal emes. 10 jyldan astam ýaqyt boıy ol birneshe gazetterdiń tilshisi boldy. Onyń maqalalarynyń taqyryby oblys ortalyǵynyń mádenı is-sharalaryna qatysty boldy, shyǵarmashylyq ujymdarmen jáne qazaqstandyq juldyzdarmen suhbat jazdy.
«Bes tomdyq kitap – bul meniń jýrnalıstik qyzmetimniń qorytyndysy. Men Qaraǵandyda dúnıege keldim jáne osy ýaqytta osynda turamyn. Barlyq maqalalar men fotolardy saqtaý bir bólek, al olardy biriktirý múldem basqa sharýa. Bul sońǵy 10 jyldaǵy bizdiń oblysymyzdyń mádenı oqıǵalary týraly esteliktiń bir túri», – deıdi ol.
Kitaptardyń arasynda eń kólemdisi «Mýzykanyń tańǵajaıyp dybystary» boldy. Ol Qalı Baıjanov atyndaǵy kontserttik birlestikke arnalǵan. Natalıa Injevskaıa eshkimdi nazardan tys qaldyrmady. Kitapta oblystyq fılarmonııaǵa kiretin barlyq shyǵarmashylyq ujymdar týraly maqalalar jınaqtalǵan.
«Maǵan birlestikpen shaqyrylǵan tanymal oryndaýshylardan, dırıjerlerden, mýzykanttardan suhbat alý sáti tústi. Konferanse Lıýdmıla Golskaıanyń aıtýynsha, bul 80 jyldan astam ýaqytta kontserttik birlestik týraly jazylǵan alǵashqy basylym», – dep atap ótti avtor.
«Knıjkın dom» Abaı atyndaǵy Qaraǵandy oblystyq balalar kitaphanasy týraly áńgimeleıdi. Natalıa Injevskaıa bul mekememen uzaq ýaqyt dostyq qarym-qatynasta boldy. Alǵash ret avtor kitaphanaǵa 5 jasynda kelgen. Jyldar ótken soń kitaphananyń jas oqyrmandary úshin ótkizetin is-sharalardyń turaqty qonaǵy boldy.
«Bul taqyryptyq kezdesýler de, festıvalder de. Men kitaphana qyzmetkerleri ótkizgen konkýrstardyń qazylar alqasynyń quramyna jıi kiretinmin. Onda balalardy jaqsy kóretin jáne óz isine shyn berilgen tamasha adamdar men kásipqoılar jumys isteıdi», – deıdi jazýshy.
«Organnye ızyskı» kitaby Qaraǵandy Soborynda ótken organdyq kontsertter men festıvalder týraly baıandaıdy. Natalıa Injevskaıanyń aıtýynsha, Qaraǵandy kórermenderinde tamasha múmkindik týdy: shirkeýdiń jumys istegen ýaqytynda oǵan búkil álemnen tanymal mýzykanttar kelip, óner kórsetti.
«Talant jáne ony júzege asyrý» eńbegi – qalanyń shyǵarmashylyq ujymdary men jeke oryndaýshylar týraly maqalalar jınaǵy. Munda siz el Corazon flamenko stýdııasy, «Volshebnaıa strana» balalar toby, «Traıbl» bı stýdııasy jáne basqalar týraly oqı alasyz.
«Qubylý óneri týraly» kitaby Qaraǵandyǵa kelip, óner kórsetken festıvalder men teatr ujymdary týraly baıandaıdy. Olardyń arasynda Astana Ballet, Abaı atyndaǵy MAOBT, Natalııa Sats atyndaǵy balalar men jasóspirimder teatry bar.
Basylym qala kitaphanalaryna syıǵa berilip, shyǵarmashylyq ujymdar men mádenıet mekemelerine tanystyryldy.
Bes tomdyq kitap barlyq jastaǵy oqyrmandarǵa arnalǵan. Bul týyndy tek oblys turǵyndaryna ǵana emes, Qaraǵandynyń mádenı ómirine qyzyǵýshylyq tanytqandarǵa da qyzyqty bolady.
