Qaraǵandylyq jastar men zeınet jasyna jaqyndaǵan azamattar jumyspen qalaı qamtylady
Tóleý Qaıratuly, 2022 jyly Qaraǵandy oblysynyń turǵyndaryna arnalǵan jumyspen qamtýdyń qandaı sharalary qolǵa alyndy?
- Aǵymdaǵy jyly shamamen 41 myń adamdy jumyspen qamtýǵa járdemdesý sharalaryn júzege asyrý josparlanýda, onyń ishinde: sýbsıdııalanatyn jumys oryndary, qoǵamdyq jumystarǵa jumysqa ornalastyrý, osal toptar úshin áleýmettik jumys oryndary, túlekter úshin jastar praktıkasy, birinshi jumys orny, urpaqtar kelisimsharty, sondaı-aq zeınetkerlik jas aldyndaǵy tulǵalar úshin «Kúmis jas» jobasyn engizý kiredi.
- Óńir úshin bul jabalardyń paıdasy qandaı?
- Jumyspen qamtýǵa járdemdesýdiń kórsetiletin sharalary jumyssyzdyq deńgeıin 4,6% deńgeıinde saqtaýǵa múmkindik beredi dep josparlanýda.
- Jańa jumys oryndary qalaı qurylady?
- Ótken jyldyń sońynda QR Úkimeti on Ulttyq jobany bekitti, onda negizgi ındıkatorlardyń biri jańa jumys oryndaryn qurý bolyp tabylady.
Aǵymdaǵy jyly Ulttyq jobalar aıasynda 25 myńnan astam jumys ornyn qurý josparlanýda.
Jańa jumys oryndary kelesi Ulttyq jobalar aıasynda qurylady:
- «Agroónerkásip keshenin damytý»;
- «Qýatty óńirler – el damýynyń draıveri»;
- «2021-2025 jyldarǵa qazaqstandyqtardyń ál-aýqatyn arttyrýǵa baǵyttalǵan turaqty ekonomıkalyq ósý»;
- «Tsıfrlandyrý, ınnovatsııalar jáne ǵylym esebinen tehnologııalyq serpilis»;
- «Bilimdi ult» sapaly bilimi»;
- «Deni saý ult» árbir azamat úshin sapaly ári qoljetimdi densaýlyq saqtaý»;
- «Jasyl Qazaqstan»;
- «Ulttyq Rýhanı Jańǵyrý»;
- 2020-2025 jyldarǵa arnalǵan «Nurly jer» memlekettik turǵyn úı-kommýnaldyq damý baǵdarlamasy.
- 2021-2025 jyldarǵa arnalǵan kásipkerlikti damytý jónindegi Ulttyq joba sheńberinde.
- Jastarǵa keletin bolsaq, óńirde jas qaraǵandylyqtardy jumysqa qalaı tartýdy josparlap otyr jáne olarǵa qandaı qoldaý sharalary kórsetiledi?
- Jastardy jumyspen qamtý sharalaryna belsendi tartý maqsatynda Jastar tájirıbesine - 721 túlekti, «Birinshi jumys orny» jobasyna - 238 jasty, sondaı-aq «Urpaqtar kelisimsharty» jobasyna – 34 adamdy jiberý josparlanyp otyr.
Eger jastar tájirıbesine JOO men kolledjderdiń túlekteri ǵana jiberiletin bolsa, onda birinshi jumys ornyna joǵary jáne orta bilimi joq jumyssyz jastardy da jiberýge bolady.
«Urpaqtar kelisimsharty» jobasy oqýdy 2 jyl ishinde aıaqtaǵan jáne 25 jastan aspaǵan oqý oryndarynyń túlekteri úshin keıinnen adamdy zeınetkerlik jasqa tolǵan qyzmetkerdiń bos jumys ornyna aýystyrý shartymen uıymdastyrylady.
Sonymen qatar, bıznes ıdeıalardy iske asyrý úshin «Bastaý Bıznes» jobasy boıynsha kásipkerlik negizderine 250 adamdy oqytý jáne jastarǵa 385 grant berý josparlanýda.
QR Prezıdentiniń 11.01.2022 jylǵy tapsyrmasyna sáıkes memlekettik granttar mólsheri 200 AEK-ten (613 myń teńge) 400 AEK-ke deıin (1,2 mln.tg.) ulǵaıtylatyn bolady.
- «Jastar tájirıbesi» baǵdarlamasy qanshalyqty tıimdi? Ótken jyly ol qandaı nátıjeler kórsetti?
- Ótken jyly jastar tájirıbesine 1041 adam jiberildi, jastar praktıkasyn aıaqtaǵandardyń ishinen turaqty jumysqa 721 adam nemese 70% ornalastyryldy.
Sondaı-aq, QR Prezıdentiniń 11.01.2022 jylǵy tapsyrmasyna sáıkes sharttar ózgertiledi, ıaǵnı «Jastar tájirıbesi» jáne «Birinshi jumys orny» jobalary boıynsha qatysý uzaqtyǵy men eńbekaqy mólsherin ulǵaıtý josparlanýda.
Jastar tájirıbesi – uzaqtyǵy 6 aıdan 12 aıǵa deıin, al tólemaqysy 25 AEK-ten 30 AEK-ke deıin ulǵaıtylady.
Birinshi jumys orny – uzaqtyǵy 12 aıdan 18 aıǵa deıin, jalaqy 20 AEK-ten 30 AEK-ke deıin ósedi.
- Nátıjeli jumyspen qamtýdy jáne jappaı kásipkerlikti damytý memlekettik baǵdarlamasyn iske asyrý azamattarǵa ne beredi? Baǵdarlama qanshalyqty tıimdi jáne Qaraǵandy oblysynda qandaı nátıjeler bar?
- 2021 jyly «Eńbek» Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan memlekettik baǵdarlamasy sheńberinde jumyssyzdardy, onyń ishinde jastardy jumyspen qamtýǵa járdemdesýdiń belsendi sharalaryna tartý boıynsha 42 myńnan astam adam (42 423) qamtyldy (jospar – 41 myń adam), onyń ishinde 37 478 adam jumysqa ornalastyryldy (88%).
Osylaısha, qabyldanyp jatqan sharalar jumyssyzdyq deńgeıin - 4,6% (2021 jylǵy 3 – toqsan) saqtap qalýǵa múmkindik berdi. Jalpy QR boıynsha kórsetkish - 4,9% quraıdy.
Nátıjeli jumyspen qamtýdy jáne jappaı kásipkerlikti damytýdyń «Eńbek» memlekettik baǵdarlamasyn iske asyrý 2021 jyly aıaqtaldy.
Búgingi kúni halyqty jumyspen qamtý sharalarymen qamtamasyz etý boıynsha barlyq tetikter kásipkerlikti damytý jónindegi Ulttyq joba sheńberinde kózdelgen.
- Qaraǵandy oblysynda halyqty jumyspen qamtý salasyn jaqsartý boıynsha basqa da bir sharalar josparda bar ma?
- Bıyldan bastap jańa «Kúmis jas» jobasy júzege asyryla bastaıdy. Joba zeınet jasyna jaqyndaǵan azamattardy zeınetke shyqqansha turaqty jumys ornyna ornalastyrý shartymen jobaǵa tartýdy kózdeıdi.
«Kúmis jas» jobasy aıasynda jumysqa ornalasqan adamdardyń jalaqysyn sýbsıdııalaý merzimi 12 aıǵa deıin merzimdi quraıdy.
Aǵymdaǵy jyly jobaǵa 534 adamdy jumysqa ornalastyrý josparlanýda.
