Qaraǵandylyq jas tennısshi halyqaralyq týrnırde taǵy «altyn» aldy
QARAǴANDY. QazAqparat – Qaraǵandylyq Alan Qurmanǵalıev Belgııanyń Spa qalasynda ústel tennısinen ótken WTT Youth Contender jasóspirimder týrnırinde jeńiske jetti. Ol 15 jasqa deıingi jas sanatynda úzdik atandy, dep habarlaıdy QazAqparat tilshisi.
Eń joǵary marapat úshin kúreste Alan jeti qarsylasyn jeńdi.
«Alan Qurmanǵalıev Anton Derlıýkti (Ýkraına) 3:0, Rares Kýesdındi (Rýmynııa) 3:1, Rafael Kabrerany (Domınıkan Respýblıkasy) 3:0, Lı Chonmokty (Koreıa) 3:1, Rafal Formelany (Polsha) 3:1, Natan Lam (Frantsııa) 3:0, Flavıen Kotondy (Frantsııa) 3:1 utyp, jeńis tuǵyryna kóterildi», - dep habarlady Qaraǵandy oblysynyń Dene shynyqtyrý jáne sport basqarmasynan.
Sportshyny Elmıra Álıeva jattyqtyrady.
Eske sala keteıik, Aslan Qurmanǵalıev 10 aqpanda ústel tennısinen Qazaqstan ulttyq komandasyna irikteý týrnıriniń jeńimpazy atandy. Al odan úsh kún buryn ol Týnısten oraldy. Onda 2022 jyly WT Jastar serııasynyń alǵashqy týrnıri ótti. Alan atalǵan dodadan «kúmis» jáne «qola» oljalap qaıtty.
