Qaraǵandylyq jas ónertapqysh ekzoskelet oılap tapty

ASTANA. QazAqparat - Mınskide (Belarýs Respýblıkasy) ótetin «TMD úshin 100 ıdeıa» halyqaralyq kórmesine Qazaqstan atynan qaraǵandylyq jas ónertapqysh Vıacheslav Lıtvınov qatysatyn bolady, dep habarlaıdy QazAqparat Qaraǵandy oblysy ákimdiginiń baspasóz qyzmetine silteme jasap. 

Ol Qaraǵandy Memlekettik medıtsınalyq ýnıversıtetiniń 6-shy kýrsynda oqıdy. Intern-hırýrg kórmede tirek-qozǵalys apparaty buzylǵan adamdarǵa arnalǵan ekzoskeletti usynady. Onyń jobasy múmkindigi shekteýli jandardy ońaltýǵa, portatıvti modeldi óndiriske shyǵarýǵa baǵyttalǵan.

Qazaqstan delegatsııasyna serpindi jáne ınnovatsııalyq ıdeıa usynǵan 10 adam kirdi. Olar QR Din isteri jáne azamattyq qoǵamy mınıstrligi jáne «Bolashaq» qaýymdastyǵy birlesip uıymdastyrǵan «Jastar - Otanǵa» atty ınnovatsııalyq ıdeıalar men jobalar festıvaliniń qorytyndysy boıynsha iriktelip alyndy.