Qaraǵandylyq jas dárigerlerge turǵyn úı sertıfıkattary berildi

Kásipodaq forýmynyń estafetasyn Qaraǵandy Qostanaıdan qabyldady. Osyǵan deıin atalmysh is-sharalar Atyraý men Qyzylorda qalalarynda da ótken bolatyn.

Kenshiler qalasyna respýblıkamyzdyń 16 oblystarynan 220 delegat keldi. Eki kún ishinde forýmǵa qatysýshylar kásibı máselelerdi talqylady. Jas dárigerler úshin sheerlik sabaqtary men trenıngter, mádenı jáne oıyn-saýyq baǵdarlasy uıymdastyryldy.

«Senim Densaýlyq saqtaý júıesi qyzmetkerleriniń salalyq kásipodaǵynyń Ortalyq komıteti 500 myń teńgege qaıyrymdylyq sertıfıkatyn úlestirdi. Forým barysynda olardy aýylda jumys isteıtin 21 jas mamanǵa tabys etti. Budan basqa, turǵyn úı sertıfıkattaryn beretin áleýmettik qoldaýdyń jańa baǵdarlamasy jarııalandy. Bul maqsatqa 120 mln teńge bólindi», - dedi kásipodaq tóraǵasy Saparbek Dúısenov Qaraǵandy medıtsına ýnıversıtetinde ótken forýmnyń jabylý saltanatynda.

Sertıfıkat quny jarty mıllıon teńgeden mıllıon teńgege deıin. Bul qarajat jas dárigerlerge páter alý úshin bastapqy jarnany tolyq tóleýge múmkindik beredi.

Turǵyn úı satyp alýǵa Temirtaýdan kelgen jas tis dárigerleri kómek aldy. Móldir Sársenbaeva men Nurıslam Ómirbek metallýrgter qalasyna Qoja Ahmet ıAsaýı atyndaǵy Halyqaralyq qazaq-túrik ýnıversıtetin bitirgennen keıin Túrkistannan shaqyrý boıynsha kelgen. Olar №4 qalalyq emhanada jumys isteıdi. Erli-zaıyptynyń aıtýynsha, Temirtaý olarǵa óte unady, olar bul jerde uzaq ýaqyt qalýdy josparlap otyr.

Oblystyq týberkýlezge qarsy dıspanserde jáne oblystyq jedel medıtsınalyq járdem stansasynda jumys isteıtin eki qaraǵandylyq medık- Samal Ábildaeva men Mádına Shaıhınaǵa da turǵyn úı sertıfıkaty tabys etildi.

Qaraǵandy oblysy ákiminiń orynbasary Ashat Aımaǵambetov forýmǵa qatysýshylardy quttyqtap, jas dárigerlerge alǵys hattar tabys etti.