Qaraǵandylyq zeınetker áıeli men er adamdy atyp tastady
QARAǴANDY. QazAqparat - Qaraǵandynyń Shahtınsk qalasyndaǵy saıajaılardyń birinde qaıǵyly oqıǵa boldy. 72 jastaǵy zeınetker 76 jastaǵy áıeli men saıajaıǵa qonaqqa kelgen 60 jastaǵy er adamdy tapanshamen atyp óltirip, sosyn óz-ózine qol jumsaǵan, dep habarlaıdy QazAqparat tilshisi.
Qaraǵandy oblysy ishki ister departamenti baspasóz qyzmetiniń jetekshisi Baqytjan Qudııarov atalǵan saıajaıdaǵy úılerdiń birinde bolǵan úsh adamnyń ólimine qatysty sotqa deıingi tergeý bastalǵandyǵyn habarlady.
«Atalǵan fakt Qylmystyq kodekstiń 99- baby 2- bólimi boıynsha tirkeldi. Aldyn ala nusqa boıynsha, zeınetkerdiń adamdardy óltirýge qyzǵanysh sebep bolýy múmkin. Sot saraptamasy taǵaıyndaldy», - dedi Baqytjan Qudııarov.
Boljam boıynsha, Shahtınsk qalasyna jaqyn jerde ornalasqan saıajaıǵa kelgen zeınetker áıeliniń qasynan beıtanys er adamdy kórgennen keıin, ekeýin atyp tastaǵan. Sodan keıin aýlaǵa shyǵyp ózi-ózine qol salǵan.
Qazirgi kezde oq qarýynyń zeınetkerdiń qolyna qalaı túskendigi tekserilip jatyr.
