Qaraǵandylyq «Volshebnaıa strana» ansambliniń repertýarynda 60 halyq bıi bar (FOTO)
«2000 jyly biz Irına Vazben birge «Volshebnaıa strana» ansamblin qurdyq. Bıylǵy jyly osy óner ujymyna 15 jyl tolyp otyr. Bizdiń ujymymyz kópultty - ansamblde 25 ulttyq balalary bar. Kórkemdik jetekshi I.Vaz basqarǵan pedagogıkalyq ujym halyq bılerine súıispenshilikke, ózara qurmetke jáne taǵattylyqqa tártbıeleıdi, Qazaqstan men álem halyqtarynyń mádenıeti men salt-dástúrin úırenýge kóp kóńil bólinedi. Qazir ansambl repertýarynda álemniń ártúrli halyqtarynyń 60 bıi bar», - dep atap ótti L.Dedýrenko.
Eki qaraǵandylyq horeografııalyq ansambl - «Volshebnaıa strana» jáne «Sholpan» Astanada Qazaqstan halqy Assambleıasynyń 20 jyldyǵyn merekeleý sharalaryna qatysty. L.Dedýrenko ansambl kóptegen etnomádenı birlestikterge olardyń qalyptasý kezeńinde kóp kómekteskenin eske alady. «Bizge ártúrli mádenı ortalyqtar - belarýs, nemis, tatar, evreı birlestikteri jáne basqalary kómek surap keldi. Biz olarǵa ózderimizdiń ulttyq kıimderimizdi berdik, halyq bılerin sahnada qoıýǵa járdemdestik. Qazir endi onyń qajettigi joq. Qazaqstan halqy Assambleıasy kúsh aldy Etnomádenı birlestikter óz qyzmetterin damytýǵa, ulttyq kıimder satyp alýǵa granttar alady», - deıdi baletmeıster.
Qazaqstan halqy Assambleıasy - biregeı ınstıtýt, dep atap kórsetti mádenıet qaıratkeri.
«Biz óz elimizben birge ósip, damyp kelemiz. Bizdiń baǵdarlamamyzdyń biri «Bir el - bir taǵdyr» dep atalady. Qazaqstan halqynyń birligi kúni qarsańynda el Prezıdenti Nursultan Nazarbaevty qaıtadan saılaýdyń erekshe máni bar. Prezıdentimiz salıqaly, kóregen basshy, ol búkil halqymyzdyń múddesine qyzmet etýde. Onyń basshylyǵymen biz budan da úlken tabystarǵa jetemiz. Eń bastysy - Prezıdent Qazaqstanda beıbitshilik pen turaqtylyqty ornyqtyra bildi», - dep oıyn túıindedi L.Dedýrenko.
