Qaraǵandylyq voleıbolshylar Vetnam kýbogy halyqaralyq týrnıriniń kúmis júldegeri atandy
ALMATY. 11 naýryz. QazAqparat - "Qaraǵandy" voleıbol klýby Gıa Laı qalasynda osymen 7-shi ret ótkizilgen Vetnam televıdenıesi kýbogy halyqaralyq týrnıriniń kúmis júldegeri atandy. Byltyr bul jarysta el quramasy 5-shi oryndy qanaǵat tutqan bolatyn. Bul joly el namysyn qorǵaǵaǵan qaraǵandylyqtar toptyq synda jáne jartylaı fınalda barlyq qarsylastarynan basym túsip, tek aqtyq saıysta ǵana jarys qojaıyndarynyń «TT Liên Việt Bank» komandasyna 2:3 (17-25, 25-20, 22-25, 25-19, 11-15) esebimen utyldy.
Júlde qory 26 000 dollardy quraıtyn bul jarysta kýbok ıegeri 12 myń, kúmis júldeger 7 myń, al qola júldeger 5 myń dollar syıaqy aldy. Onda 3-shi oryn bolǵan oınyda jartylaı synda qaraǵandylyqtarǵa 2:3 esebimen utylǵan jarys qojaıyndarynyń «Ngân hàng Công thương»komandasy vetnamdyqtardyń kelesi bir«VietsovPetro» komandasyn 3:0 esebimen oısyra utty. Al olardyń «VTV-Binh Điền Long An» men Ońtústik Koreıanyń «Yang Sang» jáne Avstralııa quramasy men vetnamdyqtarlyń «Tân Bình» komandasy 5-8 oryndy ózara bólisti.
