Qaraǵandylyq voleıbolshylar Vetnam kýbogy halyqaralyq týrnıriniń aqtyq fınalyna shyqty
ALMATY. 11 naýryz. QazAqparat - "Qaraǵandy" voleıbol klýby Gıa Laı qalasynda ótip jatqan 7-shi Vetnam televıdenıesi kýbogy halyqaralyq týrnıriniń aqtyq synynda óner kórsetýde.
2 naýryz kúni bastalǵan bul dúbirli dodaǵa jarys qojaıyndarynan basqa Qazaqstan men Ońtústik Koreıadan bir-birden, al Avstrııadan ulttyq qurama komanda qatysty. El namysyn qorǵaǵan qaraǵandylyqtar irikteý saıysynda "A" tobyndaǵy barlyq qarsylastaryn oısyrata utyp, jeńimpaz atandy. Al jartylaı fınalda "V" tobynda 2-shi oryn alǵan vetnamdyqtardyń «Ngân hàng Công thương»komandasyn 3:2 esebimen utty. Olardyń aqtyq fınaldaǵy qarsylasy "V" tobynyń jeńimpazy bolǵan jarys qojaıyndarynyń «TT Liên Việt Bank» komandasy bolmaq. Olar jartylaı synda "A" tobynda ekinshi oryn alǵan ózderiniń jerlesteri «VietsovPetro» komandasyn 3:1 esebimen utqan bolatyn. Endi toptyq kezeńniń jeńimpazdary kýbok úshin, al ekinshi oryn alǵan qos komanda 3-shi oryn úshin talasýda.
