Qaraǵandylyq veloshabandoz Azııa chempıonatynyń qola júldegeri atandy

QARAǴANDY. QazAqparat – QR sport sheberi Ilıa Qarabutov jasóspirimder arasyndaǵy Azııa chempıonatynda toptyq jarysta qola júldege ıe boldy. Qaraǵandy oblysynyń velosport boıynsha ORMBJM KMM tárbıelenýshisi Qazaqstannyń ulttyq jastar komandasynyń quramynda óner kórsetti, dep habarlaıdy QazAqparat tilshisi.

Tas jol velosporty boıynsha qurlyqtyq birinshilik 25–30 naýryz aralyǵynda Dýshanbede (Tájikstan) ótti. Jarysqa álemniń 27 elinen 428 sportshy qatysty.

Qola júldegerdiń alǵashqy jattyqtyrýshysy – Elena Polenova.

«Meni sportshy retinde tárbıelegen Elena Vladımırovnamen jetistikterim týraly jańalyqtarmen eń birinshi kezekte bólisemin. Alda óte mańyzdy starttar – men qatysatyn Álem kýbogynyń kezeńderi kútip tur. Jaýyngerlik kóńil-kúıdemin!» – deıdi Temirtaýdyń 17 jasar týmasy Ilıa Qarabutov

Aıtpaqshy, qazaqstandyq sportshylar Dýshanbede ótken chempıonatta taǵy da Azııa birinshiliginde óz kóshbasshylyǵyn dáleldedi. Olar jeti altyn, segiz kúmis jáne bes qola medal jeńip aldy.