Qaraǵandylyq úzdik kenshiler marapattaldy
ASTANA. QazAqparat - Kenshiler kúni qarsańynda Qaraǵandy oblysynyń ákimi kenshilerdi kásibı merekesimen quttyqtady. Kenshiler mádenıet saraıynda merekelik saltanatty jıyn ótti, onda alǵys hattar men tós belgiler tabystaldy, dep habarlaıdy oblystyq ákimdiktiń baspasóz qyzmeti.
«Qaraǵandy úshin Kenshiler kúni - erekshe kún, - dedi Erlan Qoshanov. - Biz 70 jyl buryn osy merekeni toılaı bastadyq, sol kezden beri bul mereke tek kenshiler úshin ǵana emes, jalpy oblys úshin mańyzdy bolyp tabylady. Bizdiń kenshiler jyl basynan beri 20 mln.tonnaǵa jýyq kómir óndirdi. Bul úlken eńbektiń arqasy. Barsha qaraǵandylyqtardyń atynan sizderge eńbekterińiz úshin alǵys bildirip, merekelerińizben quttyqtaımyn».
Kásibı mereke qurmetine oraı qaraǵandylyq eń úzdik keshilerge alǵys hattar men salalyq marapattar tabystaldy.
Kómir salasyn damytýǵa qosqan qomaqty úlesi jáne uzaq jyldar boıy osy salada eńbek etkendigi úshin, sonymen qatar «Kenshiler kúni» kásiptik merekesiniń 70 jyldyǵyna oraı Aleksandr Zabelın men Sábıt Ábdirahmanov ІІІ dárejeli «Kenshi dańqy» tós belgisimen, Amanbaı Beısembaev І dárejeli «Kenshi dańqy» belgisi men al Tatıana Oman І dárejeli «Eńbek dańqy» tós belgisimen marapattaldy.
Tólegen Nurmuhanov, Vladımır Efımov jáne Jáýken Nurmuǵambetovke oblys ákiminiń qurmet gramotasy tabystaldy.
Roza Naýshırvanova, Igor Kýznetsov, Farıt ıAkıshev pen Olga Kotovıch alǵys hatqa ıe boldy.
Bıyl osymen 70-shi jyl el boıynsha «Kenshiler kúni» kásibı merekesi tamyz aıynyń sońǵy jeksenbisinde toılanýda. Resmı túrde bul kún 1947 jyly bekitildi.
