Qaraǵandylyq Úndistanda Denge bezgegin juqtyrǵan
QARAǴANDY. QazAqparat - Qaraǵandy oblysy Shahtınsk qalasynyń turǵyny masanyń shaǵýynan Denge bezgegin juqtyrǵan, dep habarlaıdy «QazAqparat» HAA tilshisi.
Masadan juqtyrǵanyn naýqastyń ózi aıtqan.
«Úndistanda bolǵan kezde ony masa shaǵyp, Denge bezgegin juqtyryp alǵan. Bir táýlik boıy temperatýrasy 39 gradýsqa deıin kóterilip, qaltyrap, basy aýyryp, denesi álsirep, bórtpe paıda bolǵan», - dep habarlady Qaraǵandy oblystyq qoǵamdyq densaýlyq saqtaý basqarmasy.
Qazirgi tańda naýqastyń jaǵdaıy jaqsy.
Denge bezgegi Ońtústik Shyǵys Azııa elderinde - Taıland, Indonezııa, Vetnam, Sıngapýr, Fılıppın, Úndistan, Afrıka memleketterinde, Soltústik, Ortalyq jáne Ońtústik Amerıkanyń tropıkalyq jáne sýbtropıkalyq beldeýinde keń taralǵan.
