Qaraǵandylyq ýltramarafonshy Zańǵar Álkenov 440 shaqyrym qashyqtyqty eńsermek
QARAǴANDY. QazAqparat – Qaraǵandy garnızony áskerı polıtsııa basqarmasynyń qyzmetkeri Zańǵar Álkenov jańa ýltramarafonǵa daıyndalýda. Ol óz júgirisin Qazaqstan Qarýly Kúshteriniń 30 jyldyǵyna arnamaq, dep habarlaıdy QazAqparat tilshisi.
«Bul meniń sońǵy júgirisim bolady. Árıne, sportpen aınalysýdy tastamaımyn, dene shynyqtyrýmen aınalysamyn, biraq marafondarsyz. Bıyl 440 shaqyrymdy baǵyndyrǵym keledi. Bul jetistikti men bizdiń elimiz 2022 jylǵy 7 mamyrda atap
ótetin Qazaqstan Qarýly Kúshteriniń 30 jyldyǵyna oraılastyrmaqpyn. Men arnaıy josparǵa sáıkes aınalysamyn — bul tamaqtaný, jattyǵý protsesi jáne
dene shynyqtyrý erekshelikteri. Jattyǵýlar qyzmetten bos ýaqytta ǵana ótedi,
biraq issaparda júrgende daıyndyqty toqtatpaımyn. Basshylyq meniń bastamama túsinistikpen qaraıdy jáne qoldaıdy», — deıdi Zanǵar Álkenov.
Ýltramarafonshy árdaıym sportpen shuǵyldanyp, jekpe-jekpen, sambomen aınalysty, qazaq kúresinen Qazaqstan quramasynyń quramynda boldy. Ol qazaq kúresinen sport sheberi, dzıýdodan sport sheberine úmitker. 2012 jyly jaraqat alǵannan keıin jekpe-jek ónerin uzaq qashyqtyqqa júgirýmen almastyrdy.
Esterińizge sala keteıik, Zańǵar Álkenov ótken jyldyń mamyr aıynda 320 km qashyqtyqty júgirip ótken bolatyn. Júgirýshi marafonyn Jezqazǵanda bastap, týǵan ólkesi Jańaarqaǵa deıin jetti. Odan bir jyl buryn sportshy 200 km qashyqtyqty baǵyndyrdy.
Ýltramarafonshy qazaqstandyq Rekordtar kitabyna endi.
