Qaraǵandylyq TJD qyzmetkerleri 50 myń úıdi aralady
QARAǴANDY. QazAqparat - Qaraǵandy oblysynda TJD qyzmetkerleri 50 myńnan astam úıdi aralap shyqty, dep habarlaıdy QazAqparat tilshisi.
«Ótkizilgen is-sharalar órtterdiń paıda bolýyna jáne adamdardyń qaza bolýyna yqpal etetin sebepter men jaǵdaılardy joıýǵa baǵyttalǵan. Demalys kúnderi barlyǵy 14149 úıdi aralap, 31015 adamǵa nusqaý berildi», -dedi Qaraǵandy oblysynyń TJD baspasóz hatshysy Janna Dáýrenbekova. 
Sonymen qatar, úgit-nasıhat jumystaryn júrgizý aıasynda óńirde 40 ýly gaz tetikteri satyp alyndy. Bul qurylǵylar kóp balaly otbasylar men jalǵyz basty zeınetkerlerdiń úılerine ornatylýda. Qurylǵy aýada ýly gazdyń mólsherý kóbeıgen jaǵdaıda, dabyl qaǵa bastaıdy.
TJD ókilderi aldaǵy ýaqytta da osyndaı jabdyqtardy satyp alý úshin demeýshilerdi jumyldyrý boıynsha jumystar jalǵasatynan tilge tıek etti.
